- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Union Europeo ta introduci ley nobo pa proteccion di cacho y pushi
BRUSELAS - Tin regla mas stringente ta bini pa cria y tene cacho y pushi. Parlamento Europeo a aproba un proposicion di ley ayera. Si ministernan di paisnan miembro di EU tambe ta di acuerdo, criadornan mester registra nan mes y for di 2030 lo bira obligatorio pa chip mascotanan. E chip ta contene informacion riba pais di origen, e criador of refugio unda e animal a bini for di dje y e doño actual. E informacion aki lo keda warda den un sistema Europeo. Meta di e ley nobo ta combati abuso den EU y practicanan cruel di comercio door di criadornan. “Loke bo ta mira awor, ta cu hopi doño ta desea animalnan cu caracteristica specifico. Den cierto sentido nos a pasa limite cu esaki,” segun Franck Meijboom, profesor di etica animal na facultad di veterinaria di Universidad Utrecht.
CRIA EXCESIVO Y CORTA PARTI DI CURPA
Tambe lo bini un prohibicion Europeo riba cria excesivo (‘doorfokken’) di animalnan. Esaki por trece serio riesgo di salud, manera por mira na cacho tipo mopshond, cu hopi biaha tin problema di respiracion pa motibo di nan nanishi poco desaroya. “Ta trata di diferente condicion heriditario. Cacho por haya epilepsia of problema cu articulacionnan. Hopi di e malesanan ta sali na luz solamente mas laat den bida,” Meijboom a bisa. E medida nan nobo tambe ta inclui un prohibicion riba ‘couperen’: mutila cacho y pushi pa show. Na Hulanda esaki ya tabata prohibi desde basta tempo. “E ley nobo aki por lo menos ta sigura cu nos no lo ricibi animalnan for di exterior cu mesun problema. Pero na nivel Europeo lo ta dificil pa controla tur cos completamente, pasobra no semper por mira na exterior si un animal tin un condicion heriditario,” e profesor a agrega.
Ex minister Plasterk ta critica bishita extenso di Jetten na seis islanan di Reino
AMSTERDAM – Ex-minister di Relacionnan di Reino Ronald Plasterk a critica prome minister hulandes Rob Jetten pa su extenso bishita na Caribe Hulandes fuertemente, incluyendo Aruba. Segun Plasterk, ta “incomprendibel” cu Jetten ta dedica tanto tempo na e islanan mientras cu “mundo ta na candela”.
Douane na Hulanda a intercepta 43 miyon cigaria ilegal den un luna
ROTTERDAM - Autoridadnan di douane na Hulanda a logra intercepta mas cu 43 miyon cigaria ilegal den solamente un luna. E mayoria di e cargamentonan a wordo descubri den containernan maritimo den haf di Rotterdam, hopi biaha cu yudansa di cacho specialisa. Te awor, por lo menos diez sospechoso a wordo aresta.
Raad van State: Hulanda no a demonstra pakico Aruba mester ley pa kita nacionalidad di terroristanan
ORANJESTAD – Afdeling advisering di Raad van State di Reino Hulandes a conclui cu gobierno hulandes no a fundamenta suficientemente pakico ta necesario pa haci e ley cu ta permiti kita nacionalidad hulandes di personanan cu ta uni cu organisacionnan terrorista na exterior, algo permanente.
Eurovisie Songfestival ta cuminza: cu Israel pero sin Hulanda
AUSTRIA – Eurovisie Songfestival ta cuminza awe anochi den Stadthalle na Austria, pero e biaha aki sin participacion di Hulanda. AVROTROS a decide pa no participa despues cu organizacion EBU a confirma cu Israel lo sigui participa den festival. Austria ta organisa e evento despues cu cantante JJ a gana anja pasa cu e cancion “Wasted Love”. Ta e di tres biaha den historia cu Austria ta organiza Eurovisie. Hulanda solamente dos biaha anteriormente no a participa den festival, pero esta biaha e decision ta politico. Tambe Spaña, Slovenia, Islandia y Irlanda a decide di no participa.
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Follow NoticiaCla
