ATA ta bati alarma di seguridad: Hackers a usa email oficial pa phishing

ORANJESTAD - Un  incidente serio di seguridad a tuma luga riba 23 di april 2026 den Aruba Tourism Authority (ATA), unda un cuenta di email oficial a wordo compromete y usa pa manda mensahe di phishing sin autorizacion.

Segun ATA, e situacion a wordo detecta na tempo y paso inmediato a wordo tuma pa sigurisa e cuenta afecta . Actualmente, un investigacion forensico digital ta den marcha mientras cu medidanan adicional di proteccion ya ta wordo implementa pa evita mas abuso.

Autoridadnan ta haci un yamada urgente na tur persona cu por a ricibi mensahe sospechoso for di e direccion aki, pa no habri link of attachment, sino reporta esaki na departamento di IT y elimina e email mesora.