Europarlamentario Maij: "Arubianonan ta topa obstaculo den practica”

ORANJESTAD - Europarlamentario Marit Maij a bishita Aruba y a conclui cu, aunke arubianonan tin ciudadania Europeo, den practica nan no ta haya acceso facil na e derechonan cu ta bini cu ne. Como LGO di European Union, Aruba tin acceso na fondo y programa Europeo, pero obstaculonan manera burocracia, idioma y falta di informacion ta limita e uso di esakinan.

Durante su bishita, Maij a papia cu gobierno, Parlamento, sindicato y sector educativo, enfocando riba educacion, mercado laboral y oportunidadnan pa hobennan. Tambe a sali na cla cu participacion democratico, manera voto den eleccion Europeo, no ta facil ni cla pa hopi Arubianonan.

Su mensahe principal: E situacion actual mester cambia, y Europa mester bira mas accesibel y relevante pa e habitantenan di Aruba.