Supervision den Reino: trafico di hende ta visibel den transaccionnan financiero

ORANJESTAD – Supervisornan den Reino ta mira cada bez mas cu trafico di hende ta refleha den transaccionnan financiero, y nan kier inclui e riesgo aki structuralmente den e supervision. Esaki a sali na cla durante un reunion na Aruba, unda banco centralnan y supervisornan financiero a papia riba e rol di sistema financiero den explotacion.

Segun participantenan, investigacion efectivo no ta basa tanto riba transaccionnan sospechoso individual, sino riba reconoce patronnan y rednan tras di fluho di placa. Esaki ta pidi un otro forma di enfoke den supervision y un cooperacion mas estrecho entre institucionnan financiero, supervisoranan y servicionan di investigacion.

Durante e reunion, a wordo enfatisa cu trafico di hende no ta solamente un problema penal, sino cu tambe e ta bira visibel den sistema financiero. Pesei supervisoranan kier usa mihor instrumentonan existente, manera investigacion di cliente y monitor di transaccionnan, pa detecta señalnan di explotacion.