Biaha pa Aruba a bira mas caro cu KLM, otro companianan ainda no a sigui

AMSTERDAM – Un biahe pa Aruba cu KLM a bira mas caro desde e siman aki. E compania di aviacion a subi e prijs di ticketnan di ida y buelta pa destinacionnan den Caribe cu 100 euro, segun un vocero oficial a confirma.

Segun KLM, e medida aki ta e consecuencia di prijsnan di combustible cu a subi, cu ta relaciona cu tensionnan cu ta sigui den Medio Oriente. E desaroyo  aki ta causa costo mas halto den sector di aviacion.

Ainda no ta cla si e subida di prijs ta temporal. Tambe no ta sigur si pasaheronan cu ya tin reserva lo mester paga e costo adicional.

Otro organisacionnan di biahe ainda no a ahusta nan prijsnan. TUI Group a indica cu nan ta mantene nan tarifa estable pa awor, aunke un posible subida den futuro no ta exclui.

E expectativa ta cu desaroyo di prijs pa destinacionnan manera Aruba lo sigui depende di situacion riba mercado internacional di energia.