Hobencito Alex Flores a bolbe Aruba despues di lucha fuerte contra su salud

Posted on 04/16/2026 9:00 am AST | Updated on 04/16/2026 9:15 am AST

ORANJESTAD - Famia y amigonan a reuni na aeropuerto pa ricibi e hobencito Alexander Flores, cu a regresa for di Colombia despues di un luna y dos siman.Manera por a corda, e ta e hobencito cu a keda ‘bandona’ den un auto pa algun ora na Aruba, creando un situacion di salud peligroso. Mientrastanto su yegada a conmociona tur hende, ora cu e mes a sali canando for di “arrival hall” cu un sonrisa, algo cu hopi no tabata spera.

AGRADECIDO

E famia a mustra nan profundo agradecimiento na tur persona cu a haci oracion pa Alexander durante su periodo dificil. Nan a pasa momentonan di gran angustia despues cu e hobencito a wordo haya den auto y a wordo hibá di urgencia pa hospital, estando den un estado critico.

KICO A PASA

Manera cu Noticiacla a raporta caba, debi na su condicion serio, e la wordo transporta cu urgencia pa Colombia e tempo ey pa ricibi tratamentu especialisa. Durante un tempo, Alexander tabata den coma, pero poco poco e la cuminsa mustra señalnan di mehoracion, algo cu a sorprende tanto famia como doctornan.

Algun dia pasa, e por a bandona hospital y a reuni cu su famianan cu tabata na Colombia cu ne. E atmosfera na aeropuerto diaranson tabata yen di alegria y emocion ora cu nan a ricibi esaki bek na su isla.

Segun un familiar, Alexander a recupera alrededor di 90 porshento. El lo sigui cu su terapia aki na Aruba, y den dos luna lo tin cu bolbe Colombia pa haci evaluacionnan adicional pa controla su progreso.

Su ruman muhe grandi a comparti su felicidad pa mira su ruman bek y mehor, resaltando cu hopi hende ta stima Alexander y gradiciendo tur esun cu a brinda palabra di apoyo y curashi.

Su tata a expresa cu e emocion ta indescribible, contento cu famia ta reuni di nobo. Entre brasa y lagrima di alegria, Alexander a wordo ricibi cu calor. Su mama a menciona cu nan a pasa mas di 50 dia separa, y a gradici tur doctor, nurse, personal di AZV, y mes esunnan na Colombia cu a brinda nan apoyo.

Tur dia, e enfoke tabata riba recuperacion di Alexander. Actualmente, su proceso ta bayendo den bon direccion, y poco a poco el lo reintegra bek den su bida diario. Potret cortesia 24ora.com

AMMF: Dolfijn Charlie ta sigui recuperando na Aruba
ORANJESTAD – Aruba Marine Mammal Foundation a confirma diabierna cu e dolfijn cu recientemente a crea hopi preocupacion y speculacion den comunidad, ainda ta bibo y ta sigui den proceso di recuperacion y alimentacion.
Mas Local
Lesa Mas
Rainbow Warriors ta propone codigo di conducta pa sector di UTV, ATV, e-bike y e-scooter
ORANJESTAD - Rainbow Warriors Core Foundation a haci un llamado pa crea un convenio y codigo di conducta enfoca riba sostenibilidad pa e sectornan di UTV/ATV y e-bikes/e-scooters na Aruba. Segun e fundacion, e reciente decisionnan di gobierno y e accion legal contra operadornan di ATV y UTV ta pone empleo y estabilidad economico den peligro.
Mas Local
Lesa Mas
Aruba ta revoca permiso di buelo di aeroliña charter Bestfly: Compania ta bisa cu nan mes a pidi esey
ORANJESTAD – Departamento di Aviacion Civil di Aruba (DCAA) a revoca e Air Operator Certificate (AOC) di Bestfly, despues di accionnan regulatorionan cu, segun autoridadnan, a wordo tuma den interes di seguridad di aviacion y supervision di cumplimiento.
Mas Local
Lesa Mas
Nacionnan Uni ta alerta riba reto y cambio den famianan na Aruba
ORANJESTAD - Den cuadro di Dia Internacional di Famia 2026, Nacionnan Uni ta pone enfasis riba importancia di famia como base fundamental pa desaroyo humano y bienestar social. Tema di aña aki ta “Famia, desigualdad y bienestar infantil”, enfocando riba impacto di pobresa, divorcio, violencia, adiccion y exclusion social riba mucha y hoben.
Mas Local
Lesa Mas
Miguel Mansur ta cuestiona “show” politico y falta di solucion structural na Aruba
ORANJESTAD - Empresario y opinionista Miguel Mansur a critica e forma con gobierno ta presenta diferente proyecto publico fueramente, argumentando cu hopi anuncio y evento mediatico no ta ataca e problemanan structural cu Aruba tin. Segun Mansur, revitalisacion real di centro di ciudad no ta cuminsa cu camera ni cu acto simbolico manera kita klinker, sino cu solucionnan concreto y duradero.
Mas Local
Lesa Mas
HOH ta amplia cuido medico cu prome Physician Assistant na Aruba
ORANJESTAD - Horacio Oduber Hospital (HOH) a celebra un momento historico cu graduacion di Gianina de Freijtas como e prome “Physician Assistant” (PA) na Aruba. E estudio, desaroya hunto cu HAN University of Applied Sciences, ta enfoca riba cuido directo di pashentnan y ta brinda mas oportunidad pa profesionalnan medico traha independiente y asisti specialistanan.
Mas Local
Lesa Mas