- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Casibari lo vibra cu arte: “Arte di Tarima” ta bolbe cu musica, poesia y cultura bou di shelo
ORANJESTAD – E evento cultural Vibracion Cultural: “Arte di Tarima” ta bolbe riba 18 di april 2026 na Casibari, cu entrada gratis pa comunidad. Iniciativa di Fundacion Basha Foundation hunto cu varios partner, e evento ta ofrece un plataforma pa artista local – tanto emergente como estableci – pa presenta nan talento.
E programa lo inclui storytelling, poesia, musica en vivo y otro expresion artistico, crea un ambiente familiar y cultural bou di shelo. Varios artista local manera Jenn Ross, Germille Geerman y Erick The Poet ya a confirma participacion.
Organisadornan ta invita comunidad pa asisti y disfruta un anochi di arte, cultura y union social.
ARUBA DOET 2026 ta move Aruba: 135 proyecto ta cambia bario y comunidadnan
ORANJESTAD – Aruba awe a wordo move pa un ola grandi di solidaridad y accion comunitario cu apertura oficial di Aruba Doet 2026, e evento di boluntariado mas grandi di nos isla. For di Noord te San Nicolas, centenares di boluntario a baha riba caminda pa cuminsa cu entusiasmo e prome di dos dia dedica completamente na yuda y mehoracion di comunidad.
E weekend aki ta trinta aña pasa cu Taryn Mansell a bira 1st runner up den Miss Universe 1996
ORANJESTAD - Diadomingo awo, 17 di mei 2026, ta exactamente 30 aña pasa cu MISS ARUBA 1995, Taryn Mansell, a logra bira prome finalista di MISS UNIVERSE 1996 na Las Vegas. Aruba su miho logro den historia di beyesa di Miss Universe.
Aruba Lions Club ta organisa di dos Feria di Salud gratis na San Nicolas
ORANJESTAD - Aruba Lions Club, hunto cu diferente organisacion y institucion, lo organisa e di dos edicion di su Feria di Salud na San Nicolas riba diasabra 23 di mei na Augustinus College.
Filomena College MAVO cu teachers appreciation week
SAN NICOLAS - E siman cu a pasa Filomena College MAVO na San Nicolas a tene e asina yama 'teachers appreciation week'. Bou guia di juffrouw Judesca Holsman, cada dia e mesa central den lerarenkamer tawata dorna cu producto diferente como aprecio y regalo pa cada maestro y miembro di personal. Di e forma aki directorado di FCM ta mustra e aprecio pa tur maestro y personal cu ta contribui n'e educacion di su alumnonan.
Kiwanis Palm Beach a celebra reunion anual y aproba directiva nobo
EAGLE BEACH – Kiwanis Club of Palm Beach Aruba a celebra su reunion anual diahuebs 7 di mei na La Cabana Beach Resort and Casino, unda cu e espiritu di hermandad dentro di e club a keda refleja un biaha mas.
Quota International of Aruba ta entrega donacion na fundacionnan local
ORANJESTAD - Quota International of Aruba a organiza su evento anual di donacion, entregando fondo na diferente fundacionnan local cu ta traha pa mehora bida di personanan den comunidad.
Follow NoticiaCla
