- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Rey Willem-Alexander ta enfatisa balor di partner den encuentro cu Trump na Cas Blanco
WASHINGTON – Willem-Alexander y Máxima, hunto cu prome minister hulandes Rob Jetten, a cena na White House cu presidente americano Donald Trump dialuna anochi. E cena di tres plato a dura mas largo cu lo tabata spera y e pareha real tambe a keda drumi aya.
JETTEN
Despues di e encuentro, Jetten a papia di un combersacion habri y constructivo. Durante e charla, nan a discuti entre otro e conflicto den Medio Oriente, e papel di NATO y interesnan comercial entre Netherlands y Estados Unidos.
NATO
E bishita ta sigui despues di un estadia di Trump na Hulanda aña pasa durante e cumbre di NATO na paleis Huis ten Bosch, unda presidente americano a invita e pareha real.
DISCURSO DI REY
Promer cu e cena, Willem-Alexander a tene un discurso durante un recepcion na Chamber of Commerce. Aya el a pone enfasis riba importancia di partnernan. Segun e rey, Hulanda ta “un partner fuerte y confiabel”, y eseinan ta “di oro” den un mundo impredecibel unda ta tin lucha fuerte pa poder y influencia. Tambe el a toca tema di NATO, e alianza militar cu recientemente a ricibi critica fuerte di Trump. Presidente americano a amenasa incluso cu sali for di e organisacion, alegando cu su aliado nan no a sostene suficiente den conflicto cu Iran.
Xi ta ricibi Trump na China, pero ta manda advertencia fuerte tocante Taiwan
PEKING – Presidente di China, Xi Jinping, a ricibi presidente americano Donald Trump cu hopi cordialidad durante su bishita oficial na Peking, pero a manda un mensaje cla tocante Taiwan.
Prome minister britanico Starmer no kier bay apesar di presion grandi pa renuncia
LONDRES – Prome minister britanico Keir Starmer no kier renuncia, apesar di e presion grandi den su propio partido y hasta dentro di su gabinete pa e laga su puesto. Despues di un reunion di gabinete, Starmer a bisa cu e pais ta spera cu gobierno sigui gobernando, y cu e ta pensa sigui haci esey.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Follow NoticiaCla
