- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Phil Collins, Queen Latifah y Billy Idol entre esnan cu lo drenta Salon di fama di Rock & Roll
NEW YORK - Phil Collins, Iron Maiden, Billy Idol, Queen Latifah, Oasis, Sade y Joy Division / New Order lo wordo inclui den Rock & Roll Hall of Fame, hunto cu nominadonan pa prome biaha Wu-Tang Clan y e falleci Luther Vandross.
E lista a wordo revela dialuna anochi durante transmision di American Idol. Artistanan mester a saca nan prome grabacion comercial por lo menos 25 aña pasa pa keda eligible. Mas di 1.200 artista, historico y profesional den industria musical a participa den e votacion.
Phil Collins, cu ya ta den e Hall of Fame como miembro di Genesis, tin grandi hitnan solo manera “In the Air Tonight” y “One More Night”. El a gana ocho premio Grammy Awards, incluyendo album di aña na 1985 pa “No Jacket Required”. Collins a logra entra mesora den su prome nominacion.
Sade, cu tambe tabata nomina na 2024, a logra exito cu hitnan manera “Smooth Operator” y “The Sweetest Taboo”. Wu-Tang Clan ta reconoci como innovadornan den rap desde nan album debut di 1993 “Enter the Wu-Tang”.
Iron Maiden, nomina anteriormente dos biaha, a yuda impulsa e movemento di heavy metal britanico cu album iconic manera “The Number of the Beast”. Luther Vandross, cu a bende mas cu 25 miyon album y tin hitnan manera “Here and Now” y “Any Love”, a fayece na 2005 y a inspira cancion “Luther” di Kendrick Lamar y SZA.
Xi ta ricibi Trump na China, pero ta manda advertencia fuerte tocante Taiwan
PEKING – Presidente di China, Xi Jinping, a ricibi presidente americano Donald Trump cu hopi cordialidad durante su bishita oficial na Peking, pero a manda un mensaje cla tocante Taiwan.
Prome minister britanico Starmer no kier bay apesar di presion grandi pa renuncia
LONDRES – Prome minister britanico Keir Starmer no kier renuncia, apesar di e presion grandi den su propio partido y hasta dentro di su gabinete pa e laga su puesto. Despues di un reunion di gabinete, Starmer a bisa cu e pais ta spera cu gobierno sigui gobernando, y cu e ta pensa sigui haci esey.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Follow NoticiaCla
