Polis a dal baho mundo duro: 4 detencion y a desmantela un plantacion grandi di droga

Posted on 04/14/2026 9:57 am AST | Updated on 04/14/2026 9:57 am AST

ORANJESTAD - Unidad Narcotica di Cuerpo Policial a tene un accion na diferente adresnan cu a resulta den desmantelacion di plantacion grandi di droga recientemente. E adresnan tabata na Seroe Blanco, Bernadetastraat, Korvetstraat y Edisonstraat.

Durante e investigacion na e sitionan menciona, polis a descubri diferente cultivo di marihuana. A confisca un total di 354 mata di marihuana, banda di un cantidad considerabel di e mesun droga ya procesa. Ademas a confisca un gran cantidad di artefacto y productonan cu ta wordo uza pa e plantacion y mantencion di e matanan aki.

Durante e entrada hudicial a haci detencion di 4 persona . Ta trata di G.V.M. naci na Aruba di 38 aña, C.P.K. naci na Aruba di 50 aña, S.K.J.D. naci na Aruba di 25 aña y S.E.L. naci na Aruba di 56 aña.

Na e accion a forma parti diferente departamento di Cuerpo Policial. Ta trata di Unidad K-9, personal di polis uniforma, Flex Team y RRT.

No ta descarta cu lo tin mas detencion den e dianan nos dilanti.

Polis NO ta para keto y e accionnan aki lo sigui pa keda combati criminalidad y e traficacion di droga den nos barionan.

Cuerpo Policial Aruba ta keda recorda nos comunidad si bo a wak algo of sa algo yama e tiplijn di polis cu ta 11141. Bo anonimidad ta keda garantisa

Examen practico pa rijbewijs ta muda pa Dominicanessenstraat entrante dialuna
SANTA CRUZ – Korps Politie Aruba a anuncia un cambio importante pa tur persona cu ta haci examen pa rijbewijs. Cuminsando dialuna 18 di mei 2026, tur examen practico cu anteriormente tabata tuma lugar na Bureau Examen Rijbewijzen na Santa Cruz, lo muda pa edificio situa na Dominicanessenstraat 33, e antiguo edificio di “doc opleiding”.
Mas Polis
Lesa Mas
Turista ta accidenta cu UTV na Black Stone beach y fayece
ORANJESTAD - Diabierna merdia pa mas o menos 12:35 di merdia. Alarma Central a informa Central di Polis cu UTV lo mester a accidenta na altura di Black Stone Beach. A despacha patruya di Santa Cruz como tambe ambulance y brandweer na e sitio.
Mas Polis
Lesa Mas
Polis a haci 3 detencion durante entrada hudicial y confisca arma di candela y hopi droga
ORANJESTAD – Diasabra, polis specialisa den narcotica a raporta cu diabuebs 30 di april 2026 ultimo, e unit Narcotica a haci un entrada hudicial na un cas situa na Seroe Biento.
Mas Polis
Lesa Mas
Polis di districto di Santa cruz a parti 108 boet durante control di trafico
STA CRUZ - Diaranson, durante oranan di atardi y anochi, polis di districto di Santa Cruz a ehecuta un control intensivo di trafico. Na diferente punto strategico, polisnan a para mas di 250 vehiculo di motor y un total di 108 boet a wordo parti.
Mas Polis
Lesa Mas
Wardacosta di Caribe Hulandes ta intercepta un transportacion di droga
ORANJESTAD - Pa di dos biaha den un siman, e barco di Marina Real Hulandes, Zr.Ms. Friesland a intercepta un transportacion di droga riba lama Caribense. E barco di Marina Real Hulandes tabata nabega bou di bandera di Wardacosta di Caribe Hulandes.
Mas Polis
Lesa Mas
Polis a rescata turista cu a bira malo riba Hooiberg
SANTA CRUZ - Un rato pasa Polis y autoridadnan competente a wordo dirigi cu maximo urgencia riba e top di Hooiberg pa un turista Hulandes di 75 aña cu a bira basta malo.
Mas Polis
Lesa Mas