Union Europeo ta redobla apoyo pa territorionan ultramarino te casi 1 miyon euro

ORANJESTAD – Union Europeo ta aumenta apoyo financiero pa e Paisnan y Teritorionan Ultramarino (LGO), incluyendo Aruba y Curaçao, di 500 miyon pa 999 miyon euro. E anuncio a wordo haci durante e foro OCT-EU Forum cu ta tuma luga e siman aki na Aruba. E aumento ta mustra un cambio cla den direccion: segun comisario europeo Jozef Síkela, cooperacion no ta wordo mira mas como ayuda di desaroyo, sino como un inversion strategico den futuro y resistencia di e territorionan. E anuncio ta wordo considera como e resultado mas importante di e foro internacional, unda lidernan europeo y caribeño ta reuni. Prome minister Mike Eman a enfatisa cu e foro no ta consisti solamente di combersacion, pero cu ya tin paso concreto. Durante e reunion, a lansa diferente programanan riba sostenibilidad, biodiversidad, maneho di desastre y desaroyo economico.

SAN NICOLAS

Un punto importante di atencion ta e re desaroyo di e area di refineria na San Nicolas. E proyecto ta wordo mira como un oportunidad pa crecemento sostenibel, unda cooperacion entre Aruba, Hulanda y Union Europeo ta central.

Union Europeo kier no solamente contribui financieramente, pero tambe participa activamente cu apoyo technico y experticio. Na mes momento, e rol di sector priva ta wordo subraya como crucial pa converti planonan den proyectonan real.