Gobierno a firma conbenio cu EOZ Bonaire pa mehora cuido di studiante na Aruba

Posted on 04/9/2026 10:18 am AST | Updated on 04/9/2026 10:19 am AST

ORANJESTAD - Gobierno di Aruba, representa pa e Minister di Educacion, sra. mr. Gerlien Croes, a firma un convenio di colaboracion cu Expertisecenter Onderwijs en Zorg (EOZ) di Boneiro. E convenio aki ta forma parti di un strategia nacional pa fortalece sistema di cuidonan pa muchanan y hoben na Aruba. E colaboracion ta enfoca riba mehoracion di calidad di diagnostico, intercambio di conocemento profesional y reduccion di tempo di espera pa muchanan cu tin necesidad di sosten educativo y psicologico. Meta principal di e colaboracion aki ta pa brinda sosten mas rapido na muchanan cu tin necesidad di yudansa na e momento cu e mas mester dje.

Durante e ultimo aña, Ministerio a inverti structuralmente den fortalece e forma fundamental di e sistema di cuido di nos muchanan riba diferente nivel:

● Expansion di ekipo di MDC cu un psicologo y logopedista

● Refuerso di inspeccion di enseñansa cu un inspector extra

● Mas capacidad den Departamento di Enseñansa Aruba

● Mas trahado social escolar (SMW’er) pa sostene muchanan directamente na scol

● Reduccion di cantidad di alumnonan pa klas (maximo 24) pa logra mas atencion individual

E convenio cu EOZ ta agrega un dimension entre Aruba y nos hermana isla Boneiro, unda ta comparti conocemento y experiencia pa sigui profesionalisa e sistema di Aruba.

Segun e convenio, e colaboracion lo enfoca riba:

● Baha y maneha tempo di espera

● Fortalece uso di Papiamento den diagnostico

● Desaroyo di metodonan pa dyscalculia

● Fortalece rol di psicologo di salubridad mental den sistema educativo

Segun Minister Gerlien Croes; "Nos ta traha sistematicamente pa crea un sistema unda ningun mucha no tin cu warda demasiado pa yudansa. E colaboracion aki ta un paso concreto den nos strategia pa pone e bienestar di nos muchanan na prome luga."

E convenio tin un duracion inicial di dos aña y lo wordo evalua pa determina e siguiente fase di colaboracion.

Aruba ta presta 160 miyon dollar via mercado di capital mericano
ORANJESTAD – Gobierno di Aruba oficialmente a sera un prestamo externo di maximo 160 miyon dollar via mercado internacional di capital. Esaki ta sali claramente den un decision oficial publica den Afkondigingsblad di Aruba, segun e portal aruba.nu.
Mas Politica
Lesa Mas
Cu acuerdo firma, Aruba ta mas cerca di “porta digital” pa Europa
ORANJESTAD – Gobierno di Aruba, junto cu KLM Royal Dutch Airlines, Royal Schiphol Group y Aruba Airport Authority, a firma un acuerdo importante pa fortalece conexion entre Aruba y Europa.
Mas Politica
Lesa Mas
Jetten: Redesaroyo di refineria ta ofrece gran oportunidad economico pa Aruba
ORANJESTAD – Na final di su bishita na Aruba, durante e conferencia final na aeropuerto, contestando pregunta di un periodista riba e declaracion haci un dia prome di e intere di Hulanda di kier yuda Aruba redesaroya e tereno di refineria, Jetten a bolbe expresa apoyo pa e decision di Aruba pa escoge redesaroyo y reutilisacion di e terreno di refineria, describiendo esaki como un paso “sabio y baliente” pa futuro di isla.
Mas Politica
Lesa Mas
Jetten: Hulanda ta prefera si logra consensus cu Staten di Aruba riba ley di HOFA
Jetten: Hulanda ta prefera cu eventual cambio den HOFA wordo logra den consenso cu staten di Aruba
Mas Politica
Lesa Mas
KIA ta mira posibilidad di usa “drone jammer” contra contrabanda
ORANJESTAD - Minister di Husticia Arthur Dowers a ricibi un presentacion riba uso di un “drone jammer”, un aparato moderno cu lo yuda fortifica siguridad rond di Korrektie Instituut Aruba (KIA).
Mas Politica
Lesa Mas
Premier Jetten a bishita proyecto “Aima Coa” pa restauracion di naturalesa na Aruba
ORANJESTAD - Durante su bishita oficial na Aruba, Rob Jetten a bishita e area di restauracion natural “Aima Coa” den Arikok National Park. E proyecto, lidera pa Aruba Conservation Foundation, ta enfoca riba reforestacion, restauracion di ecosistema y fortalecemento di biodiversidad na Aruba.
Mas Politica
Lesa Mas