- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
“Foto no ta AI, pero real”: 250 poodle a wordo haya den un cas na Reino Uni
LONDON - Den Reino Uni, un organizacion di bienestar di animal a haya 250 cacho den un cas di un criador, unda decenan tabata den un solo sala. E imagennan a wordo pone na social media y algun hende a bisa cu ta falso of crea cu inteligencia artificial, pero segun e organizacion, esaki no ta berdad.
“E foto no ta AI, e ta real. Esaki ta e realidad chocante di loke por pasa ora dueño nan cu bon intencion ta bira sobrecarga y sobrecria ta tuma control,” asina hoofdinspecteur Jo Hirst di RSPCA a bisa.
Segun e organizacion, e cantidad di cacho a subi for di control, entre otro pa motibo di circunstancianan familiar. No a revela unda exactamente e perro nan tabata keda.
PROBLEMANAN MENTAL
E caso aki no ta unico. Inspectornan ta haya cada vez mas situacion unda varios animal neglisha a wordo encontra. Desde 2021, e cantidad di denuncia unda 10 of mas animal tabata involucra na England y Wales a subi cu 70 por ciento.
Cantidad grandi di animal riba un solo adres ta frecuentemente relaciona cu problema mental of financiero di e doño, of criadornan cu no ta traha segun regla, segun RSPCA.
Xi ta ricibi Trump na China, pero ta manda advertencia fuerte tocante Taiwan
PEKING – Presidente di China, Xi Jinping, a ricibi presidente americano Donald Trump cu hopi cordialidad durante su bishita oficial na Peking, pero a manda un mensaje cla tocante Taiwan.
Prome minister britanico Starmer no kier bay apesar di presion grandi pa renuncia
LONDRES – Prome minister britanico Keir Starmer no kier renuncia, apesar di e presion grandi den su propio partido y hasta dentro di su gabinete pa e laga su puesto. Despues di un reunion di gabinete, Starmer a bisa cu e pais ta spera cu gobierno sigui gobernando, y cu e ta pensa sigui haci esey.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Follow NoticiaCla
