- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Economia di Aruba ta crece, pero gobierno ta ricibi menos impuesto
ORANJESTAD – Economia di Aruba ta mustra na cuminzamento di 2026 un cuadro interesante: mientras cu cantidad di placa y credito den sistema ta sigui crece, entrada di impuesto pa gobierno ta baha. Esaki ta sali na cla for di cifra nobo di Centrale Bank van Aruba. Cantidad total di placa den economia a subi te mas cu siete biyon florin, mientras cu balance total di sistema financiero a crece te cerca di 13 biyon florin. E crecemiento aki ta wordo impulsa pa un combinacion di entrada fuerte di placa for di afo y aumento di credito di bankonan, specialmente den hipoteca y credito di consumidor. Mesun tempo, Aruba ta sigui aumenta su reserva internacional te casi cuatro biyon florin, loke ta indica cu tin entrada continuo di divisa stranhero, por ehempel pa medio di turismo. Bankonan ta usa un parti di e placa aki pa duna prestamo, cu ta haci cu tin mas placa circulando entre famianan y empresanan.
ENTRADA DI GOBIERNO
Di otro banda di e crecemiento aki, tin un caida claro den entrada di gobierno na cuminzamento di aña. Den luna di februari, entrada total a yega 121 miyon florin, compara cu 167 miyon florin na januari. Especialmente entrada di impuesto a baha fuerte, principal den impuesto riba ganashi y otro fuente di entrada. E cifranan ta mustra cu economia di Aruba actualmente ta core riba dos motor: placa for di afo ta sigui drenta y banconan ta amplia credito local. Esaki ta crea crecimiento y mas espacio financiero, pero efecto riba finansa publico ainda ta keda atras. Esaki por indica diferencia den tempo di cobro di impuesto, pero tambe un economia unda crecimiento no ta traduci directamente den mas entrada di impuesto. Mesun tempo, e situacion aki ta crea un tension. Mas placa den circulacion y mas credito por stimula economia, pero tambe ta aumenta riesgo di subida di prijs, specialmente den sector manera mercado di cas. Si entrada di impuesto keda atras mientras economia ta crece, esaki por pone presion riba presupuesto di gobierno. E crecimiento actual ta desigual: visibel den sistema financiero, pero ainda no completamente den caha publico.
Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
ORANJESTAD – Na occasion di e celebracion ‘inoficial’ di su prome aniversario na Aruba diahuebs, mei mei di un grupo di periodista local selecta, gerente di JOIA by Iberostar, Arnoud Le Lanchon, a comparti su experiencia durante un entrevista cu periodista Tito Laclé di Noticiacla. Segun Le Lanchon, e prome aña di operacion a bin cu su propio reto, manera cualkier apertura di un hotel nobo den un destino nobo. Sinembargo, e la enfatisa cu e experiencia a supera expectativanan. “Manera tur apertura, tin su challenge, pero Aruba a sorprende nos positivamente. E recibimento caluroso di e comunidad y e partnershipnan cu nos a logra crea, a yuda hopi den nos integracion riba e isla,” e la declara.
Proyecto strategico ta posiciona AIB pa lansa prome banco completamente digital di pais
SETAR ta orguyoso di continua cu su partnership cu Beyond Sports Limit Foundation promoviendo deporte inclusivo
Aruba riba ruta di mega crucero luhoso: Crystal Grace lo bishita nos den 2028
MIAMI / ORANJESTAD - Crystal, un linea di crucero di luho, a anuncia su itinerarionan pa zomer y otoño di 2028, cu un punto culminante: e debut di nan nobo barco, Crystal Grace. Y e bon noticia ta cu Aruba ta riba e itinerario. E barco lo cuminsa su prome viahe na juni 2028 na Roma, cu varios destino den Europa, despues cu lo sigui cu travesa mas largo te Canada y Merca. Durante e temporada di otoño, Crystal Grace lo move pa Caribe, unda e lo ofrece cruceronan cu salida for di Fort Lauderdale.
Premio Lotto miyonario a aumenta atrobe, te 1.375.000,= florin
Aruba gana premio internacional pa excelencia den turismo di crucero
MIAMI – Aruba Tourism Authority (ATA) a wordo honra cu e Aquila Whalesong Destination Award durante Seatrade Cruise Global, como reconocemento pa su desempeño sobresaliente como destinacion di crucero y su enfoke riba sostenibilidad y desaroyo di personal.
Follow NoticiaCla
