- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Entrenamiento na Aruba contra explotacion criminal di hubentud online
ORANJESTAD – Rednan criminal ta recluta y controla hubentud cada biaha mas via canalnan digital en bes di riba caya. E desaroyo aki ta central den un entrenamiento riba trata di hende y explotacion criminal cu lo wordo organiza riba 24 di april na Aruba pa profesionalnan for di region caribeño.
Segun organisador Angela Persad, experto den campo di trata di hende y criminalidad di migracion, e manera di traha di criminalnan ta cambia rapidamente. Victimanan no ta wordo acerca solamente fisicamente, pero cada biaha mas online pa wordo recluta, manipula y dirigi. Esaki ta haci explotacion bira menos visibel y mas dificil pa detecta.
E entrenamiento ta enfoca riba tendencianan actual y e manera con especialmente menor di edad y hubentud por bira victima den corto tempo. Den esaki tambe ta duna atencion na e asina yamá principio di “no castigo”, unda hubentud cu, bou presion, comete acto punibel, no ta wordo trata automaticamente como culpabel sino como victima.
E reunion tin un enfoke especifico riba region caribeño, unda segun e organizacion profesionalnan cada biaha mas ta enfrenta cu e forma aki di criminalidad. E entrenamiento ta inclui parti interactivo y ta destina pa un grupo amplio di participante, for di personal di asistencia te autoridadnan di control y hacedornan di politica. NOTA: E potret ta solamente un ilustracion simula, pa acompaña e articulo aki.
Gratie: E ultimo speranza legal, pero kico e posibilidad ta pa caso Avestruz
ORANJESTAD – Cu e sentencia definitivo di Hoge Raad den e caso Avestruz awor confirma, un palabra legal a bira central den discusion: “gratie”. Manera cu Noticiacla a raporta mas prome, citando Ministerio Publico, durante e periodo di 9 dia despues di e decision, e condenadonan en cuestion tin e oportunidad pa pidi esaki, pero pregunta grandi ta cu tanto chance realmente tin pa un resultado positivo.
Pa fin di luna Sevinger, Arends y Sussebeek mester presenta na KIA pa sinta nan castigo
Hof: Co-sospechosonan Sussebeek y Arends tambe ta bay prizon bek pa caso Avestruz
ORANJESTAD - Den e caso penal grandi “Avestruz”, no solamente ex-minister Benny Sevinger a keda condena definitivamente diamars mainta, pero tambe su co-sospechosonan Pieter Sussebeek y Leoncita Arends lo mester cuminsa sinta nan castigo di prizon, despues cu Hof a mantene nan sentencia.
Corte di Casacion: Sentencia contra ex-minister Sevinger ta keda valido!
AMSTERDAM – Manera por a spera, Corte di Casacion a mantene e sentencia contra ex minister Benny Sevinger den caso Avestruz valido, conforme e conseho di Abogado General, cu ta nifica cu Sevinger definitivamente ta perde den e caso Avestruz.. Esaki pasobra Corte di Casacion tabata e ultimo chens pa Sevinger pa trece cambio of no. Si Corte di Casacion mantene e sentencia di corte di apelacion, ta nifica cu esaki ta e parti final di e caso, y cu Sevinger definitivamente tin cu sinta su castigo.
Corte: Plan pa desaroya ex 'Isla de Oro' den area marino rechasa!
ORANJESTAD – Un intento pa desaroya un proyecto turistico riba un rif conoci como ex Isla di Oro, den un area marino a haya un golpe fuerte dialuna despues cu Corte a rechasa e apelacion contra e decision di gobierno. E caso ta draai rond di un peticion pa haya permiso pa construi y exploita un facilidad cu tin caracter di horeca y educacion, pero autoridadnan a determina cu esaki ta contra e destinacion di e area.
Analisis: Caso Avestruz, Corte ta dicidi, pero liderazgo politico ta riba prueba real
Follow NoticiaCla
