- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Corte: Gobierno di Aruba por coregi error den escala di salario di un funcionario
ORANJESTAD – Gobierno di Aruba por coregi un error den escala di salario di un funcionario despues, aunke e funcionario perdi perspectiva pa subi na un escala mas halto. Esaki a wordo determina pa e Conseho di Apelacion den Asuntonan di Funcionariato den un caso riba un empleado administrativo na Directie di Salubridad Publico. Den e decisionnan original for di 2015 y 2024, tabata indica cu e funcion tabata valora como maximo riba escala 6. Gobierno despues a coregi esaki pa escala 5, pasobra e mencion anterior tabata basa riba un error. E funcionario involucra a opone contra esaki y a argumenta cu su trabounan tabata mas pisa y cu durante añanan el por a confia cu progreso pa escala 6 tabata posible.
FUNCIONNAN COMPARABLE
Tambe e la apela riba e principio di igualdat, pasobra segun dje funcionnan similar ta wordo valora mas halto. E Conseho no a sigui esaki. Segun e huez, e procedimiento ta trata solamente riba si e error por a wordo coregi, y no riba e valoracion di contenido di e funcion. Gobierno a mustra suficiente, cu descripcionnan di funcion y decisionnan comparable, cu escala 5 ta e valoracion maximo correcto. Tambe e apelacion riba confianza no a logra resultado. Cu den decisionnan anterior tabata menciona escala 6, no ta nifica segun e Conseho un compromiso vinculante. E huez ta papia di un “expectativa di futuro desilusiona”, cu no ta duna derecho pa un escala mas halto.
CONFLICTO
Ademas, ta importante cu e funcionario ya a wordo coloca den escala 5 y cu e coreccion no tin consecuencianan directo pa su salario actual. P’esey, segun e huez, no tin violacion di e principio di seguridad huridico. E decision ta confirma cu Gobierno di Aruba por coregi errornan den decisionnan di personal, aunke funcionarianan a basa nan expectativa riba otro resultado durante añanan.
Gratie: E ultimo speranza legal, pero kico e posibilidad ta pa caso Avestruz
ORANJESTAD – Cu e sentencia definitivo di Hoge Raad den e caso Avestruz awor confirma, un palabra legal a bira central den discusion: “gratie”. Manera cu Noticiacla a raporta mas prome, citando Ministerio Publico, durante e periodo di 9 dia despues di e decision, e condenadonan en cuestion tin e oportunidad pa pidi esaki, pero pregunta grandi ta cu tanto chance realmente tin pa un resultado positivo.
Pa fin di luna Sevinger, Arends y Sussebeek mester presenta na KIA pa sinta nan castigo
Hof: Co-sospechosonan Sussebeek y Arends tambe ta bay prizon bek pa caso Avestruz
ORANJESTAD - Den e caso penal grandi “Avestruz”, no solamente ex-minister Benny Sevinger a keda condena definitivamente diamars mainta, pero tambe su co-sospechosonan Pieter Sussebeek y Leoncita Arends lo mester cuminsa sinta nan castigo di prizon, despues cu Hof a mantene nan sentencia.
Corte di Casacion: Sentencia contra ex-minister Sevinger ta keda valido!
AMSTERDAM – Manera por a spera, Corte di Casacion a mantene e sentencia contra ex minister Benny Sevinger den caso Avestruz valido, conforme e conseho di Abogado General, cu ta nifica cu Sevinger definitivamente ta perde den e caso Avestruz.. Esaki pasobra Corte di Casacion tabata e ultimo chens pa Sevinger pa trece cambio of no. Si Corte di Casacion mantene e sentencia di corte di apelacion, ta nifica cu esaki ta e parti final di e caso, y cu Sevinger definitivamente tin cu sinta su castigo.
Corte: Plan pa desaroya ex 'Isla de Oro' den area marino rechasa!
ORANJESTAD – Un intento pa desaroya un proyecto turistico riba un rif conoci como ex Isla di Oro, den un area marino a haya un golpe fuerte dialuna despues cu Corte a rechasa e apelacion contra e decision di gobierno. E caso ta draai rond di un peticion pa haya permiso pa construi y exploita un facilidad cu tin caracter di horeca y educacion, pero autoridadnan a determina cu esaki ta contra e destinacion di e area.
Analisis: Caso Avestruz, Corte ta dicidi, pero liderazgo politico ta riba prueba real
Follow NoticiaCla
