- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Caso Holloway ta move pa Hulanda: Aruba ta entrega dossier completo
ORANJESTAD – Diahuebs mainta Ministerio Publico di Aruba (OM) a informa publicamente cu nan a tuma un paso importante den e caso di desaparicion di Natalee Holloway: E dossier completo di investigacion a wordo pone na disposicion di Ministerio Publico di Amsterdam. E decision aki ta sigui despues cu mama di Holloway a presenta un denuncia na Hulanda contra Joran van der Sloot pa asesinato y/of homicidio. Hulanda awor lo evalua si tin base pa sigui cu un proceso penal.
KICO ARUBA A HACI?
Despues di informacion cu a sali na Merca na 2023, unda Van der Sloot supuestamente a confesa e asesinato, OM Aruba a pidi asistencia oficial na Departamento di Husticia di Merca pa obtene documentacion y posible prueba. Na januari 2026, Aruba a ricibi un gran cantidad di material investigativo. Sin embargo, segun OM, e informacion aki no a entrega prueba suficiente pa comproba asesinato ni homicidio.
DICON ARUBA NO TA SIGUI E CASO?
Un punto clave ta cu e delito di homicidio ya a caduca segun ley na Aruba. Esaki kier bisa cu, aunke tin sospecha, no por inicia ni continua persecucion penal localmente.
DICON HULANDA SI POR?
Na Hulanda, e caso ainda no a caduca. Ademas, Van der Sloot ta ciudadano Hulandes, locual ta duna Hulanda base legal pa investiga y eventualmente procesa e caso.
KICO TA CAMBIA AWOR?
Cu e dossier completo na man di Hulanda, Ministerio Publico di Amsterdam lo determina e siguiente paso. Aruba mes lo no haci mas declaracion riba e aspecto huridico di e caso.
CONCLUSION
E caso Holloway no a termina, pero e foco ta move di Aruba pa Hulanda. E paso aki ta duna un oportunidad nobo pa evalua si despues di mas di 20 aña, ainda tin posibilidad pa justicia.
Gratie: E ultimo speranza legal, pero kico e posibilidad ta pa caso Avestruz
ORANJESTAD – Cu e sentencia definitivo di Hoge Raad den e caso Avestruz awor confirma, un palabra legal a bira central den discusion: “gratie”. Manera cu Noticiacla a raporta mas prome, citando Ministerio Publico, durante e periodo di 9 dia despues di e decision, e condenadonan en cuestion tin e oportunidad pa pidi esaki, pero pregunta grandi ta cu tanto chance realmente tin pa un resultado positivo.
Pa fin di luna Sevinger, Arends y Sussebeek mester presenta na KIA pa sinta nan castigo
Hof: Co-sospechosonan Sussebeek y Arends tambe ta bay prizon bek pa caso Avestruz
ORANJESTAD - Den e caso penal grandi “Avestruz”, no solamente ex-minister Benny Sevinger a keda condena definitivamente diamars mainta, pero tambe su co-sospechosonan Pieter Sussebeek y Leoncita Arends lo mester cuminsa sinta nan castigo di prizon, despues cu Hof a mantene nan sentencia.
Corte di Casacion: Sentencia contra ex-minister Sevinger ta keda valido!
AMSTERDAM – Manera por a spera, Corte di Casacion a mantene e sentencia contra ex minister Benny Sevinger den caso Avestruz valido, conforme e conseho di Abogado General, cu ta nifica cu Sevinger definitivamente ta perde den e caso Avestruz.. Esaki pasobra Corte di Casacion tabata e ultimo chens pa Sevinger pa trece cambio of no. Si Corte di Casacion mantene e sentencia di corte di apelacion, ta nifica cu esaki ta e parti final di e caso, y cu Sevinger definitivamente tin cu sinta su castigo.
Corte: Plan pa desaroya ex 'Isla de Oro' den area marino rechasa!
ORANJESTAD – Un intento pa desaroya un proyecto turistico riba un rif conoci como ex Isla di Oro, den un area marino a haya un golpe fuerte dialuna despues cu Corte a rechasa e apelacion contra e decision di gobierno. E caso ta draai rond di un peticion pa haya permiso pa construi y exploita un facilidad cu tin caracter di horeca y educacion, pero autoridadnan a determina cu esaki ta contra e destinacion di e area.
Analisis: Caso Avestruz, Corte ta dicidi, pero liderazgo politico ta riba prueba real
Follow NoticiaCla
