- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Hof ta bolter sentencia: APFA si ta cay bou di ley di LNT
ORANJESTAD – Corte Comun di Husticia a anula un decision anterior y a determina cu fondo di pensioen APFA si ta cay bou di ley pa salario halto osea Landsverordening Top Inkomens Aruba). Cu esaki, Pais Aruba a logra un victoria legal importante den un caso sensitivo tocante salario y influencia publico.
CASO NA 2024
Na 2024, Corte di Prome Instancia ainda a dicide cu e ley no tabata aplica riba APFA y a duna e fondo razon. Awor Hof a yega na un conclusion contrario y a rechasa e demanda di APFA. E caso ta trata si APFA, cu ta maneha pensioen di, entre otro, funcionarionan publico na Aruba, mester wordo considera como un institucion bou di e ley di salario halto (LNT) . Segun Hof, esaki ta e caso, entre otro pasobra di e relacion estrecho cu Pais Aruba y e rol publico di e fondo. Argumentonan di APFA cu e ley ta viola derecho di propiedad y libertad pa determina salario, no a wordo acepta pa Hof. Tambe Hof no a mira ningun motibo pa no aplica e ley.
DESICION
Cu e decision aki, e regla pa salario na APFA ta keda valido. Hof a dicide tambe cu APFA mester paga e gastonan di proceso. E decision por tin impacto riba otro institucionnan semi-publico na Aruba, pasobra Hof ta mustra cu organizacionnan cu un conexion fuerte cu gobierno por cay bou di e ley di salario.
Gratie: E ultimo speranza legal, pero kico e posibilidad ta pa caso Avestruz
ORANJESTAD – Cu e sentencia definitivo di Hoge Raad den e caso Avestruz awor confirma, un palabra legal a bira central den discusion: “gratie”. Manera cu Noticiacla a raporta mas prome, citando Ministerio Publico, durante e periodo di 9 dia despues di e decision, e condenadonan en cuestion tin e oportunidad pa pidi esaki, pero pregunta grandi ta cu tanto chance realmente tin pa un resultado positivo.
Pa fin di luna Sevinger, Arends y Sussebeek mester presenta na KIA pa sinta nan castigo
Hof: Co-sospechosonan Sussebeek y Arends tambe ta bay prizon bek pa caso Avestruz
ORANJESTAD - Den e caso penal grandi “Avestruz”, no solamente ex-minister Benny Sevinger a keda condena definitivamente diamars mainta, pero tambe su co-sospechosonan Pieter Sussebeek y Leoncita Arends lo mester cuminsa sinta nan castigo di prizon, despues cu Hof a mantene nan sentencia.
Corte di Casacion: Sentencia contra ex-minister Sevinger ta keda valido!
AMSTERDAM – Manera por a spera, Corte di Casacion a mantene e sentencia contra ex minister Benny Sevinger den caso Avestruz valido, conforme e conseho di Abogado General, cu ta nifica cu Sevinger definitivamente ta perde den e caso Avestruz.. Esaki pasobra Corte di Casacion tabata e ultimo chens pa Sevinger pa trece cambio of no. Si Corte di Casacion mantene e sentencia di corte di apelacion, ta nifica cu esaki ta e parti final di e caso, y cu Sevinger definitivamente tin cu sinta su castigo.
Corte: Plan pa desaroya ex 'Isla de Oro' den area marino rechasa!
ORANJESTAD – Un intento pa desaroya un proyecto turistico riba un rif conoci como ex Isla di Oro, den un area marino a haya un golpe fuerte dialuna despues cu Corte a rechasa e apelacion contra e decision di gobierno. E caso ta draai rond di un peticion pa haya permiso pa construi y exploita un facilidad cu tin caracter di horeca y educacion, pero autoridadnan a determina cu esaki ta contra e destinacion di e area.
Analisis: Caso Avestruz, Corte ta dicidi, pero liderazgo politico ta riba prueba real
Follow NoticiaCla
