- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Aruba ta habri FIFA Series cu victoria amplio riba Macau
RWANDA – Aruba a cuminsa FIFA Series 2026 cu un victoria convincente. E seleccion nacional a gana di Macau na Rwanda cu 4-1, poniendo un prome paso fuerte den e torneo.
Aruba a tuma bentaha hopi trempan. Despues di cinco minuut, Carlito Fermina a habri e score. Poco despues, Jaybriën Romano a dobla e bentaha, y den minuut dieseis e mesun hungador a haci e 3-0. Asina, e partido tabata practicamente decidí promé cu descanso.
Macau a logra crea peliger prome cu descanso for di un tiro liber, pero goalkeeper Matthew Lentink a evita un gol contra. Cu un bentaha comodo di 3-0, Aruba a bai descanso.
Despues di descanso, Aruba a keda e ekipo dominante, aunke Macau a haya mas espacio y a pega e palo di goal dos biaha. Den mitar di di dos parti, Conner van Kilsdonk a haci e partido 4-0, confirmando e victoria. Den e ultimo fase di e partido, Macau a haci un gol di honor via un cabezaso di Leong for di un tiro liber.
Cu e victoria aki, Aruba ta pone su mes den un posicion fuerte den FIFA Series. E equipo lo hunga di nobo diadomingo contra Liechtenstein, cu a gana di Tanzania cu 1-0.
Kenley Jansen, pelotero di Corsou,a subi pa top 3 di saves den historia di MLB
DETROIT/ WILLEMSTAD – Pelotero Kenley Jansen di Corsou a alcanza un logro historico den Major League Baseball (MLB), ora cu el a subi pa e di tres luga den lista di tur tempo cu mas “saves”. Awor e ta para su so na e posicion aki cu 479 saves, despues cu el a pasa Lee Smith.
Grand slam historico di Xander Bogaerts di Aruba ta duna Padres victoria
SAN DIEGO – Den un duelo largo y yena cu tension, tabatin e momento di briyo pa Xander Bogaerts di Aruba. E shortstop di San Diego Padres a seya un victoria importante cu un grand slam decisivo den inning 12, batiendo Colorado Rockies cu score di 7-3 na Petco Park. E batazo decisivo a pone fin na un di e partidonan mas largo di e temporada, y a confirma e rol di Bogaerts como un di e lidernan clave den e lineup di Padres.
Stingray ta briya cu varios medaya na PanAm Open Water
ORANJESTAD - Stingray Swimming Team a logra resultado sobresaliente na competencia PanAm Aquatics Open Water na Aruba, cu varios atleta a gana medaya y subi podium.
Weganan Interinsular 2026 ta fortalece deporte y amistad entre islanan
ORANJESTAD - E Weganan Interinsular 2026 a culmina cu exito na Aruba, unda alumnonan di scolnan basico y secundario di Aruba, Boneiro y Corsou a compiti den deporte manera Aquathlon, Atletismo y Volleyball.
Pausa inespera di Formula 1 ta habri porta pa Verstappen y McLaren drecha nan situacion
LONDON – E temporada di Formula 1 a cuminsa apenas, pero ya tin un pausa largo despues cu e caredanan na Bahrein y Saudi-Arabia den april a wordo cancela pa motibo di guera. Esaki ta duna tur ekipo cuater siman pa mehora nan auto y analiza dato.
Aruba ta gana FIFA Series 2026 cu victoria dominante riba Liechtenstein
NYAMIRAMBO - E wega entre Aruba y Liechtenstein den FIFA Series, hunga diadomingo 29 di maart 2026 na Stade Régional de Nyamirambo, a termina cu un victoria contundente: Aruba 4 – 1 Liechtenstein.
Follow NoticiaCla
