Ex presidente Venezolano Nicolas Maduro ta presenta dilanti Huez na Merca awe atrobe

NEW YORK  – Ex-presidente di Venezuela Nicolás Maduro y su casa Cilia Flores ta presenta nan mes den un di dos audiencia den corte federal na Nueva York, unda e juez Alvin K. Hellerstein ta evalua un peticion pa elimina e caso contra nan.

E defensa ta argumenta cu gobierno di Estados Unidos, via sancionnan di Tesoro, ta impedi nan usa fondo di Venezuela pa paga abogado, loke segun nan ta viola nan derecho constitucional pa defensa. Nan abogado, Barry Pollack, a indica cu ley Venezolano ta obliga gobierno cubri e gastonan legal.

Sin embargo, fiscalia ta rechasa esaki y ta sostene cu e derecho di defensa no a wordo viola. E caso ta centra riba acusacionnan serio, incluyendo narcotrafico, y por resulta den condena largo si nan wordo declara culpabel.

E audiencia ta considera esaki crucial, ya cu corte lo dicide si e proceso ta sigui of si e caso por wordo elimina. Maduro y Flores ta mantene nan inocencia mientras e bataya legal ta continua.