Parlamento Europeo lo prohibi appnan di ‘desbisti’ cu AI prome cu zomer

BRUSELAS - Parlamento Europeo lo aproba un prohibicion riba appnan y website nan cu ta usa AI pa crea portretnan falso di hende sin paña, osea sunu. E medida lo obliga motor di busqueda (search engines) manera Google y Bing pa no mustra e tipo di website nan, y chatbotnan tampoco por sostene e funcion aki. Organisacionnan contra abuso online ta mira esaki como un paso grandi, pasobra e impactonan riba victimanan—specialmente hobenan—por ta hopi serio, inclusive miedo pa bay scol, problema di soño y pensamiento suicida. Si tur paisnan di UE duna nan aprobacion, e prohibicion lo drenta na vigor prome cu zomer.