FIU Aruba a celebra 30 aña como guardian di integridad financiero

ORANJESTAD – Financial Intelligence Unit (FIU) Aruba a celebra 30 aña di existencia como institucion clave den lucha contra crimen financiero. Durante un conferencia special, diferente autoridadnan incluyendo minister y Gobernador di Aruba a reuni pa resalta su rol den proteha transparencia y confiansa den economia di Aruba.

Desde su inicio na 1996 como Meldpunt Ongebruikelijke Transacties (MOT), e institucion a evoluciona te bira un centro moderno di inteligencia financiero. Awe, FIU ta un pilar importante den combate contra labamento di placa y financiamento di terorismo, door di analisa transaccionnan sospechoso y coopera internacionalmente, entre otro via Egmont Group y tin na cabez Angelo Brete como su director.

Na 2021, e institucion a cambia nomber pa FIU Aruba, reflehando su rol expandi y strategico. Autoridadnan a enfatisa cu e lucha contra crimen financiero ta un responsabilidad comparti entre sector publico y priva.

Cu foco riba innovacion y cooperacion global, FIU ta sigui traha pa mantene stabilidad y integridad di sistema financiero di Aruba, mientras e aniversario ta sirbi como un momento pa reflexion y compromiso pa futuro.