Na Hulanda, partidonan local ta domina e eleccion municipal claramente

DEN HAAG - Partidonan local a gana  e mayoria di asiento den eleccionnan municipal claramente. Asina, e partidonan local ta atrobe den subida, segun pronostico di e desk di eleccion di ANP. E participacion tabata 53,7 porciento. Mas laat awe, den tur municipio, votonan lo wordo conta di nobo y e resultado oficial lo sigui. Loke ta destaca ta cu den varios municipio, partidonan cu no tabata participa cuatro aña pasa, a bira mesora e mas grandi. Den municipio Westervoort na provincia Gelderland, esaki a sosode cu Wij Westervoort, cu a ricibi mas cu 44 porciento di votonan. Den Oldebroek, den mesun provincia, mas cu 32 porciento di votadornan a vota pa Christelijk Verbond Oldebroek. E partido aki a separa for di SGP local. Den municipio Uitgeest na Noord-Holland, casi uno di cada cinco votador a scoge pa debutante Onafhankelijk Uitgeest. Tambe den Goeree-Overflakkee, Hardenberg, Best, Stede Broec y riba Texel, un partido nobo a bira e mas grandi.