- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Mojtaba Khameini: Hormuz ta keda cera como medio di presion
TEHERAN - Den su prome mensahe despues di bira lider supremo nobo irani, Ayatollah Mojtaba Khamenei a declara cu e Estrecho di Hormuz lo keda cera como un “medio di presion”. E la bisa cu paisnan bisiña di Iran tambe ta bira blanco pa motibo di base militar mericano den region. Segun informe, Khamenei ainda no a wordo mira publicamente desde su nombramento.
CHOQUE DEN MERCADO DI PETROLEO:
Segun International Energy Agency, mundo ta enfrenta e mas grandi interrupcion di suministro di petroleo den historia di mercado mundial. Esaki ta resulta di Iran cu ta intensifica atake riba barco den region. Inclusive despues cu reserva di emergencia di petroleo a wordo libera, prijs di petroleo no a baha. Secretario di Energia di Merca a indica cu Marina di Merca ainda no ta cla pa escolta barco cu ta pasa dor di Estrecho di Hormuz.
SITUACION DEN IRAN
Nacionan Uni a adverti cu te 3,2 miyon iraniano a wordo forza pa laga nan cas pa motibo di atakenan di Merca y Israel. Den algun di e atakenan mas reciente, medio estatal iraniano a reporta cu drone israeliano a ataka checkpointnan di Basij, un grupo paramilitar boluntario cu ta sostene e regimen.
SITUACION DEN LIBANO
Ministro di Defensa di Israel a ordena ehercito pa prepara pa expande operacion militar contra Hezbollah, e grupo cu ta ricibi apoyo di Iran den Libano. Den e combate renoba, centenares di persona a muri y centenares di miles a wordo desplasa di nan cas.
Funcionario di gobierno argentino envolvi den escandalo pa biahenan haci pa Aruba
BUENOS AIRES - Autoridadnan huridico na Argentina a confirma cu funcionario Manuel Adorni a viaha na Aruba hunto cu su casa y dos yiu, unda segun informacion oficial, tur pasashi a wordo paga cash pa un balor di 1.450 dolar cada un. E informacion aki ta forma parti di un investigacion mas amplio conduci pa fiscal Gerardo Pollicita.
Rey Willem-Alexander ta enfatisa balor di partner den encuentro cu Trump na Cas Blanco
WASHINGTON – Willem-Alexander y Máxima, hunto cu prome minister hulandes Rob Jetten, a cena na White House cu presidente americano Donald Trump dialuna anochi. E cena di tres plato a dura mas largo cu lo tabata spera y e pareha real tambe a keda drumi aya.
Phil Collins, Queen Latifah y Billy Idol entre esnan cu lo drenta Salon di fama di Rock & Roll
NEW YORK - Phil Collins, Iron Maiden, Billy Idol, Queen Latifah, Oasis, Sade y Joy Division / New Order lo wordo inclui den Rock & Roll Hall of Fame, hunto cu nominadonan pa prome biaha Wu-Tang Clan y e falleci Luther Vandross.
Hulanda ta elimina stempel di paspoort, Corsou y Aruba ta keda cu propio sistema digital di frontera
DEN HAAG – Paspoortstempel (stempel cu ta pone den pasaporte) lo disparce na postnan di frontera di Hulanda den Europa, pero den Caribe den Reino un sistema similar ainda no ta aplicabel. Mientras Europa ta cambiando pa un solo sistema digital, islanan manera Corsou y Aruba ya a traha cu propio solucionnan, sin conexion cu sistema europeo nobo. Den Europa, e stempel tradicional ta wordo reemplasa pa Entry/Exit System (EES), un databank unda movemento di viajero no-EU ta wordo registra digitalmente, incluyendo dato biometrico manera hueya di dede y scan di cara. E sistema aki ta aplica solamente pa area Schengen, no pa Caribe den Reino. Na Corsou, digitalisacion di frontera a cuminsa tempo pasa. Biaheronan mester yena un carta di inmigracion digital (DI Card) prome, cu a reemplasa e formulario di papel. Datos ta wordo procesa di antemano pa agilisa entrada.
Pareha real a yega Merca, awe ta prome dia di bishita di trabou
WASHINGTON - Willem-Alexander y Maxima a yega na estado di Pennsylvania den Estados Unidos. Nan a yega ayera atardi (tempo local) na Philadelphia, y awe nan ta cuminsa cu un bishita di trabou unda nan lo bishita tambe Washington y Miami.
Tension ta subi: Marina di Merca ta menaza blokeo naval contra Iran
WASHINGTON - Tension entre Iran y Merca a subi rapido despues cu marina americano a menaza cu un blokeo riba laman. Autoridad militar a indica cu for di dialuna 4’or tur barco cu ta bay of bin for di puerto Irani lo wordo detene. E menaza aki ya ta causa subida den prijs di petroleo y temor cu conflicto por laira atrobe.
Follow NoticiaCla
