- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Na Corsou, ex minister a bay corte pa haña claridat riba su caso
WILLEMSTAD – Abogado mr. Bertie Braam a presenta ayera na huez comisario na Cas di Corte hunto cu ex minister di BPD, Kimberly Lew Jen Tai, relaciona cu un caso di maltrato cu ta core contra dje.
Na december ultimo a surgi un incidente na cas di e ex minister, unda segun informe e a pusha su ex casa ora e a drenta su curason di cas sin permiso. Parece cu e ex casa a haña algun raspadura na su man, loke a bira motibo pa e presenta un denuncia contra Lew Jen Tai.
Ademas di esaki, tin tambe un otro denuncia cu a wordo haci contra e ex minister, acusando cu e a maltrata su yiu muher. Na luna di januari, Ministerio Publico a considera Lew Jen Tai como sospechoso mientras investigacion ainda ta andando.
Abogado Braam a manda videonan di e incidente na cas y tambe a entrega nombernan di testigunan, entre otro e yiu homber di e ex minister, pa wordo tende. Segun defensa, e acusacion di maltrato contra e yiu muher no ta cuadra cu e realidad.
Ademas, nan a manda mail na fiscal pa sa con e caso lo sigui, pero te ainda no tin respuesta. Esaki tabata motibo cu ayera tanto abogado Braam como e ex minister a presenta na huez comisario pa pidi claridat riba e caso, usando procedimiento segun articulo 56, pa pone fin na investigacion of pa establece un fecha final pa e proceso.
Actualmente e ex minister ta ricibi un compensacion temporal. Pasobra e no a sirbi hopi tempo como minister, e compensacion pronto lo termina y e por keda sin trabou ni entrada. Huez comisario a duna dos siman di tempo pa duna su desicion.
Turismo di Curaçao ta crece cu 10%, Merca a bira mercado mas grandi
WILLEMSTAD – Curaçao a ricibi casi 80.000 turista di estadia den luna di maart, un subida di dies porciento compara cu mes periodo aña pasa. Cu esaki, demanda pa e isla ta keda fuerte, specialmente for di Merca, cu e luna aki a pasa Hulanda como mercado mas grandi. Segun cifranan di Curaçao Tourist Board, un total di 79.763 bishitante di estadia a yega na e isla. Mayoria di nan ta bishita pa vacacion y ta keda promedio casi ocho nochi. Turismo ta sigui aporta un contribucion estable na sectornan manera horeca, transporte y excursionnan.
Prome peliculanan di Studio Caribe ta debut na festival internacional na Corsou
WILLEMSTAD – E prome peliculanan di programa Studio Caribe lo wordo presenta pa prome biaha durante Curaçao International Film Festival, marcando un logro importante pa cineastanan di Caribe Hulandes.
40 arma ilegal a wordo entrega na Corsou den campaña contra violencia
WILLEMSTAD - Na Corsou, aproximadamente 40 arma ilegal a wordo entrega durante campaña “Entrega bo arma y salba un bida”. E accion, cu a dura for di 16 di maart te cu diabierna pasa, a duna hende oportunidad pa entrega arma boluntariamente sin castigo.
Rekenkamer ta cuminsa investigacion grandi riba Curacaohuis y ministerionan
WILLEMSTAD - Na Corsou, Algemene Rekenkamer Curaçao lo cuminsa un investigacion amplio riba maneho financiero di Curacaohuis, cu a wordo expande pa inclui tur ministerio y varios aña. Investigacion ta bin despues di un peticion di Parlamento pa revisa integridad, legalidad y eficiencia di gasto di minister plenipotenciario entre 2022 y 2025. Pero Algemene Rekenkamer Curaçao a decide amplia e estudio, pasobra Curacaohuis a procesa gastonan pa varios ministerio.
Conseho di Educacion: muchanan den Caribe Hulandes mester ricibi miho enseñansa
WILLEMSTAD – Conseho di Educacion a conclui cu sistema di enseñansa den Caribe Hulandes mester wordo mehora despues di un analisis riba Bonaire, Saba y Sint Eustatius. Segun e ‘Onderwijsraad’, e sistema hulandes no ta conecta suficientemente cu realidad di e islanan, unda enseñansa ta mas chikito y cu menos sosten debido na distancia grandi cu Hulanda. E conseho ta recomenda mas adaptacion na situacion local y tambe mas inversion financiero.
Gente de Zona, Ruben Blades y TOTO confirma pa Curacao North Sea Jazz 2026
WILLEMSTAD – E prome nombernan pa e proximo edicion di Caribbean North Jazz Festival (CNJS) 2026 na Corsou a wordo confirma oficialmente, y e lista ta mustra un combinacion impresionante di talento internacional cu lo pone Caribe den spotlight mundial un biaha mas. E festival su fechanan ta 3, 4 y 5 di September 2026.
Follow NoticiaCla
