Hulanda ta conoce aumento di partidonan local lo sigui pa eleccion municipal

AMSTERDAM - Tin hopi mas opcion pa votadornan den e eleccionnan municipal na Hulanda cu lo wordo tene 18 di maart. Casi mil partido politico ta competi pa gana apoyo di votadornan, y di nan 375 no a participa den e eleccion anterior. Esaki ta nifica cu lo tin ainda mas partidonan local y temanan local riba e listanan electoral.

PROTESTA

Hopi di e partidonan local a wordo funda como forma di protesta contra e partidonan nacional tradicional. Marcel Boogers, profesor specialisa den Democracia y Transicion na Universidad di Utrecht, ta spera cu e partidonan local lo bolbe logra bon resultado den e eleccionnan aki. Segun Boogers, politica nacional den e añanan reciente no a haya un bon reputacion. “Pa hopi votadornan esey ta un motibo pa bira nan bista pa partidonan local,” e ta bisa.

PARTIDONAN LOCAL

Partidonan local hopi biaha tin un conexion mas directo cu comunidad. Riba nan listanan electoral ta aparece hopi hende cu ya tin experencia den organizacionnan social y di bario, algo cu ta atrae votadornan. Segun Boogers, temanan local hopi biaha no ta claramente liga cu partidonan nacional. “Por ehemplo, si un piscina municipal mester keda habri of cera, votadornan no sa si esey ta un posicion di VVD of CDA. Pero un partido local por enfoca mas cla riba e tipo di tema tipicamente local,” e la conclui.