- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Max Verstappen a marca di tres tempo durante prome entrenamiento di Formula 1 na Australia
MELBOURNE – Charles Leclerc a registra e tempo mas rapido durante e prome entrenamiento di e temporada nobo di Formula 1 diabierna ora di Australia. Max Verstappen a marca e di tres tempo na Melbourne.
Leclerc a core riba circuito di Albert Park cu un tempo di 1.20,267, y den e ultimo fase di e entrenamiento e la baha claramente bou di e tempo di su compañero di ekipo na Ferrari, Lewis Hamilton. Verstappen a sigui na mas o menos mitar segundo tras di e tempo di Leclerc. Un tiki mas atras tabata su compañero di ekipo di Red Bull, Isack Hadjar. E ekipo Mercedes, cu hopi hende tabata considera como favorito, a keda un tiki atras, pero ta posible cu nan ainda no a mustra tur nan potencial.
E actual campeon mundial, Lando Norris, no a core mas cu shete buelta durante e prome entrenamiento, debi na un problema cu e caha di cambio. Su compañero di ekipo Oscar Piastri a logra e di shete tempo.
Tambe tabatin problema pa Aston Martin. Fernando Alonso no a por a drenta na pista ningun momento debi na un problema cu, si, e motor. Su compañero di ekipo Lance Stroll a core solamente tres buelta, despues di cual tambe el a enfrenta problema cu motor.
Kenley Jansen, pelotero di Corsou,a subi pa top 3 di saves den historia di MLB
DETROIT/ WILLEMSTAD – Pelotero Kenley Jansen di Corsou a alcanza un logro historico den Major League Baseball (MLB), ora cu el a subi pa e di tres luga den lista di tur tempo cu mas “saves”. Awor e ta para su so na e posicion aki cu 479 saves, despues cu el a pasa Lee Smith.
Grand slam historico di Xander Bogaerts di Aruba ta duna Padres victoria
SAN DIEGO – Den un duelo largo y yena cu tension, tabatin e momento di briyo pa Xander Bogaerts di Aruba. E shortstop di San Diego Padres a seya un victoria importante cu un grand slam decisivo den inning 12, batiendo Colorado Rockies cu score di 7-3 na Petco Park. E batazo decisivo a pone fin na un di e partidonan mas largo di e temporada, y a confirma e rol di Bogaerts como un di e lidernan clave den e lineup di Padres.
Stingray ta briya cu varios medaya na PanAm Open Water
ORANJESTAD - Stingray Swimming Team a logra resultado sobresaliente na competencia PanAm Aquatics Open Water na Aruba, cu varios atleta a gana medaya y subi podium.
Weganan Interinsular 2026 ta fortalece deporte y amistad entre islanan
ORANJESTAD - E Weganan Interinsular 2026 a culmina cu exito na Aruba, unda alumnonan di scolnan basico y secundario di Aruba, Boneiro y Corsou a compiti den deporte manera Aquathlon, Atletismo y Volleyball.
Pausa inespera di Formula 1 ta habri porta pa Verstappen y McLaren drecha nan situacion
LONDON – E temporada di Formula 1 a cuminsa apenas, pero ya tin un pausa largo despues cu e caredanan na Bahrein y Saudi-Arabia den april a wordo cancela pa motibo di guera. Esaki ta duna tur ekipo cuater siman pa mehora nan auto y analiza dato.
Aruba ta gana FIFA Series 2026 cu victoria dominante riba Liechtenstein
NYAMIRAMBO - E wega entre Aruba y Liechtenstein den FIFA Series, hunga diadomingo 29 di maart 2026 na Stade Régional de Nyamirambo, a termina cu un victoria contundente: Aruba 4 – 1 Liechtenstein.
Follow NoticiaCla
