Fitch ta upgrade Aruba pa BBB, y un perspectiva positivo danki na HOFA

NEW YORK -   Fitch Ratings a eleva e Ratings (IDRs) di Aruba pa BBB for di BBB- , y cu un perspectiva positivo. E elevasion pa BBB  ta refleha e reduccion rapido i continuo di e debe di gobierno general como porshento di GDP, den medio di surplusnan fiscal halto, cu a pone e gobierno riba caminda pa yega na su meta di debe un decada mas prome. Importante ta si, pa bisa cu e cambio, ta debi tambe cu gobierno a bisa FITCH cu ta trahando riba e ley di reino FITCH y cu esaki por drenta na vigor na 2027. Di otro banda, ta bisa FITCH tambe cu e aprobacion di e ley HOFA no ta garantisa. Pues, basa riba e expectativa cu HOFA lo bin, FITCH a duna Aruba un ‘perspectiva positivo’/

HOFA TA PARTI DI E LOGRO 

E elevacion ta apoya pa progreso di Aruba den fortalesa su marco fiscal institucional, y tambe pa crecemento economico extremadamente halto den e ultimonan ananan, cu a facilita un desaroyo fiscal mas fuerte cu lo tabata spera. Pero, tambe, cu gobierno a priminti FITCH cu lo aproba e ley di HOFA. “E Outlook Positivo ta refleha nos expectativa di mas mehoracion den metricanan fiscal y fortalecemento di e marco fiscal pa medio di aprobacion di un Ley di Reino, cu lo fortalesa relacion di Aruba cu Hulanda y lo duna beneficionan tanto fiscal como institucional” e institucion di ratings ta bisa.

GOBERNACION FUERTE 

E ratingnan ta tambe apoya pa gobernacion fuerte, un record di apoyo institucional i financiero for di Hulanda, entrada per capita halto, surplusnan grandi na cuenta coriente i reserva internacional favorable. E ratingnan ta limita pa un carga di interes halto kompara cu otro paisnan cu mesun rating, i pa dependensia grandi riba turismo komo un solo pilar economico cu ta altamente expuesto na shocknan eksterno.

CLAVE DRIVERNAN DI RATING

Finansas di Gobierno ta keda fuerte: Gobierno segun FITCH ta sigui core cu surplusnan presupuestario halto, cu a promedio 4.0% di GDP den e ultimonan tres ana, mientras cu e balansa primario a yega 7.4% di GDP den 2025. Fitch ta pronostica cu e surplusnan fiscal lo baha pa rond di 2.0% for di e ana aki - aun mas halto cu e regla fiscal di 1.0% - debi na mas gasto social, aunke sub-ehecusion di gasto di capital por resulta den surplusnan mas halto cu lo tabata plania.

REDUCCION DEBE

Redukson rapido di debe publico: Consolidacion fiscal a baha e debe bruto consolida di gobierno general pa un estimason di 56.7% di GDP den 2025, for di 101.1% den 2020. Nos ta spera cu e debe consolida lo baha pa rond di 50% di GDP den e proximo dos ananan, bou di mediano iBBB i di 57%. Nos ta pronostica cu e debe bruto di gobierno usa pa cumpli cu e regla fiscal (cu ta inclui debe teni pa APFA y cu tabata 62.7% den 2025) lo yega na e ancla di debe di 50% di GDP un decada mas prome, den 2030, despues cu ya a cumpli cu e meta di 70% di GDP seis ana mas prome den 2025.

MARCO FISCAL FUERTE

Marco fiscal fuerte y mehorando: Aruba tin un marco fiscal fuerte, amplia y actualisa den ley Arubano den december 2023. Su metanan fiscal ta inclui un surplus minimo di 1% di GDP i un plafond riba gasto di sueldo publico di 10% di GDP, ademas di metanan di reducion di debe. 

LEY HOFA NO TA GARANTISA

Un marco nobo proponi bou un Ley di Reino (HOFA) ta avansando despacio den proceso di aprobason, cu lo fortalesa e marco fiscal y pone esaki bou supervision di parlamento Arubano y Hulandes. E gobierno, segun nan a bisa FITCH,  ta spera cu e  ley lo drenta na vigor den 2027, aunke aprobacion no ta garantisa. E lei nobo ta inclui un ancla di debe y regla operacional, asina como un clausula di emergencia cu mecanismo di coreccion y un fondo di reserva. Legislacion local (LWHO) lo prove parametro numerico pa e marco di Lei di Reino y lo pasa hunto cu esaki. Aprobason di e Lei di Reino lo resulta den un redukson di tasa di interes riba prestamonan di pandemia for Hulanda pa rond di 3.4% for di 6.9%. Hulanda a tambe ofrece pa crea un fasilidat di prestamo di capital pa financia proyektonan futuro na tasa consecional. Relacion entre e dos paisnan a profundisa, inklui na nivel di servicio civil y den diferente. Pa e relato completo di FITCH, click AKI.