Cada vez mas paisnan involucra den guerra: ‘Autocontrol awor ta hopi importante’

DEN HAAG - Durante e ultimo tres dianan, mas pais, uno tras otro a bira involucra den e nobo guerra den Medio Oriente, no solamente den region di Golfo, pero tambe na Europa. E pregunta ta te unda ta inevitabel cu nan lo wordo hala aden den e conflicto aki. Profesor di estudio di guerra, Frans Osinga, no ta spera cu e paisnan di Golfo lo hunta activamente cu Merca. “Merca no tin mester di esey i lo solamente haci coordinacion mas dificil, pero nan ya ta involucra pasobra e franja di Hormuz ta wordo amenaza, mescos cu diferente ciudadnan. Tambe lo tin ciudadano cu lo perde nan bida.”

“Nos ta para na un punto dificil i crucial,” asina experto di Medio Oriente, Paul Aarts, ta bisa. “E prome impulso hopi biaha ta: ‘mi mester responde, pasobra mi pais a wordo ataca’.” Segun el, autocontrol awor ta hopi importante, pasobra escala un conflicto ta mas facil cu reduci of desescala esey despues.