Gabinete Pisas di Corsou a prohibi director di Cas di Corsou entrada

Posted on 03/3/2026 8:44 am AST | Updated on 03/3/2026 8:44 am AST

WILLEMSTAD - E situashon na Kas di Kòrsou ta keda unu bergonsoso. Na víspera yegada di Minister Plenipotensiaro interino den persona di sr. Errold Bishop, ayera gabinete Pisas ta prohibí e direktor di Kas di Kòrsou. Den un karta fechá 1e di mart, pero ta ayera 2 di mart numa e direktor di Kas di Kòrsou, sra. Martha Semil, ta haña esaki, gabinete Pisas ta informá e direktor pa entregá yabi i tur material ku e tin di Kas di Kòrsou.

Semil a bira direktor interino na Kas di Kòrsou na momentu ku Manuel a baha komo minister plenipotensiario dia 12 di yanüari último. Semil mester a sigui manehá Kas di Kòrsou. Segun promé minister Pisas bou di kende Kas di Kòrsou ta kai, e akusashonnan ku tin kontra di Manuel ta kontra di Semil tambe. P’esei ta imposibel pa por sigui mantené den tal funshon. Tambe tin duda den su maneho finansiero.

Tambe Pisas a indiká den e karta ku entre tantu un sra. M. Bernadina a bai Kas di Kòrsou pa atendé e situashon kaótiko ku tin. A pidi Semil pa kooperá ku Bernadina pa dun’é tur informashon i dokumento ku e pidi. Segun gobièrnu, Semil no ta kooperando pa entregá dokumentonan na Bernadina. Su aktuashon ta kontra di LMA.

Teniendo kuenta ku tur puntonan tresé dilanti, entrante ayera 2 di mart 2026 a prohibí Semil entrada na Kas di Kòrsou. Hasta e tin di bandoná Kas di Kòrsou kaminda e lo ta kedando den tal funshon. E prohibishon ta drenta na vigor ayera 2 di mart i ta terminá dia 31 di mart próksimo. P’esei tambe Semil tin di entregá tur material ku e tin di Kas di Kòrsou i bandoná esaki. Tambe ta bisa Semil ku esaki no ta un kastigu disiplinario, pero un medida di órden.

E desishon akí a na vispera di huramentashon di sr. Errold Bishop komo Minister Plenipotensiaro interino, mañan 4 di mart 2026, serka Gobernador. Bishop ta bai okupá e puesto di Carlson Manuel ku na yanüari di e aña aki a keda suspendé di su funshon komo minister Plenipotensiario. Esaki debí na un denunsia di un trahadó na Kas di Kòrsou kontra Manuel. Tambe den desèmber 2025, parlamento den su totalidat a bai di akuerdo ku un moshon pa investigá maneho finansiero di Kas di Kòrsou i e Minister Plenipotensiario Manuel.

No mas ku dia 13 di febrüari promé minister Pisas a anunsiá den parlamento ku ta bai reorganisá representashon na Kas di Kòrsou, i awor otro situashon fèrfelu a presentá. NOTA: E texto ta scirbi den papiamento fonetico di Corsou.

Gobierno di Corsou a nombra Banco di Caribe como banco di cas pa gobierno
WILLEMSTAD - Gobierno di Corsou a nombra Banco di Caribe como e nobo banco di cas pa gobierno. Esaki ta nifica cu e banco lo bira responsable pa maneho di varios cuentanan bancario y transaccionnan financiero di gobierno.
Mas Corsow
Lesa Mas
Na Corsou , Dr. Emsley Tromp a haña 6 luna den apelashon tambe
WILLEMSTAD - E èks presidente di Banko Sentral di Kòrsou i St. Maarten, dr. Emsley Tromp, ayera tardi a keda sentensiá na un kastigu konforme e veredikto anterior den korte di promé instansia. T’asina ku Tromp a bai den apelashon i ayera a tende wes dun’é e mesun 6 luna kondishonal, pues nada no a kambia! Promé ku el a drenta den e motivashon dje sentensia, wes Waarts, a informá e akusado kiko e kastigu ta bira, esta 6 luna kompletamente kondishonal. Wes a splika ku, hurídikamente korte ta destruí e sentensia di promé instansia, pero ku e loke ta bini na su lugá lo ta igual. Solamente den e kaso di apelashon e ta ser sentensiá komo kómplise. Tromp a ser akusá ku den e periodo di mei 2009 pa yanüari 2017 el a hasi su mes kulpabel di falsifikashon di dokumento. Den e kaso aki huntu ku un kolega dje tempu ei, R. Lourents, a hasi trámitenan pa por a regla un fiansa di $400.000 komo fiansa pa un tienda di paña (Armani Exchange) ku el a habri pa su partner di bida sra. Yanet de Castro.
Mas Corsow
Lesa Mas
‘Nos pasado ta determina ken nos ta’: hobennan ta traha pelicula riba sclavitudUntitled
WILLEMSTAD – Hobennan for di Aruba, Boneiru, Corsou y Sint Maarten hunto cu documentalista Roland Colastica a presenta e pelicula AWO NOW NU na gobernador Mauritsz de Kort di Corsou. E encuentro a tuma lugar riba 24 di februari den marco di presentacion oficial di e documental, cu ta pone e impacto di pasado di sclavitud riba hobennan como punto central.
Mas Corsow
Lesa Mas
Pelotero profesional di Corsou, Jonathan Schoop den libertad, pero ta keda sospechoso
WILLEMSTAD - Ayera den korte di apelashon, porta será, e tribunal di Hof a bai di akuerdo ku mr Athena Sulvaran pa posponé detenshon di e pelotero profeshonal Jonathan Schoop . Den e kaso akí e tribunal di Hof a haña ku e situashon personal i privá ta pisa mas i no tin motibunan grave pa sigui ku su detenshon, pero Schoop lo keda sospechoso den e kaso akí pendiente mas investigashon.
Mas Corsow
Lesa Mas
Na Corsou tambe tin scarsedad di plachi di number di auto
WILLEMSTAD.- Tin retraso di entrega di plachinan di number di outo nobo. Esaki ta trese kuné ku tur probabilidat, repartishon di e plachinan i number nobo lo tuma lugá awor den luna di mart próksimo. Den luna di yanüari último minister di finansa sr. Charles Cooper a anunsiá ku den e di tres siman di luna di febrüari lo kuminsá ku repartishon di e plachinan di number nobo.
Mas Corsow
Lesa Mas
Top funcionarionan di gobierno na Corsou lo por gana maximo 386.000 florin
WILLEMSTAD – Mas tarda pa 21 di december 2027, e salarionan di topfuncionarianan den gobierno y empresanan gubernamental na Corsou no mag ta mas halto cu 386.000 florin pa aña. Esaki ta resulta for di Landsverordening Normering Topinkomens (LNT) y un nota di splicacion publica recientemente tocante e proposicion di ley.
Mas Corsow
Lesa Mas