- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Gobierno a inicio celebracion 40 aña Status Aparte y 50 aña Himno y Bandera
ORANJESTAD - Cu un acto simbolico na rotonde di Aeropuerto Internacional Reina Beatrix, awe prome di maart, Aruba a duna inicio oficial na un periodo di celebracion historico: 40 aña di Status Aparte (1986–2026) y 50 aña di Himno y Bandera (1976–2026).
E luna di maart semper tin un significado special pa Aruba. Dia 18 di maart ta recorda e entrega di e Mocion na Mesa Rondo na Den Haag na 1948, un momento decisivo den e lucha pa mas autonomia. E proceso aki a culmina cu e realisacion di Status Aparte riba 1 di januari 1986, ora Aruba a bira un pais autonomo dentro di Reino Hulandes.
Den e marco aki, Prome Minister di Aruba mr. Mike Eman, acompaña pa e Minister mas hoben di Gabinete AVP-Futuro Wendrick Cicilia, como tambe 40 hoben/mucha, a hisa en total 35 bandera, simbolisando orguyo nacional, continuidad den generacion y e compromiso cu futuro di Aruba.
UN LUCHA CU A PASA DI GENERACION PA GENERACION
Den su discurso, Prome Minister Mike Eman a enfatisa cu e celebracion aki no ta solamente un recordatorio di historia, pero un momento di reflexion riba e esencia di nos identidad como pueblo. “E derecho di un pueblo pa determina su propio destino, ta e logro mas grandi cu un nacion por alcansa,” el a declara. “E sentimento aki a brota for di inicio di siglo pasa y a pasa di generacion pa generacion.” El a recorda e lidernan visionario, cu a marca e rumbo di Aruba, Henny Eman, Shon A. Eman, Betico Croes, Juancho Yrausquin, desde e prome gritonan pa mas autonomia, te cu e lidernan cu a culmina e proceso cu Status Aparte. Segun Eman, cada generacion a carga e mesun deseo: cu Aruba por tuma su mes decisionnan tocante su futuro, su desaroyo economico, su conexion cu mundo y su responsabilidad social pa cuida e mas vulnerabelnan.
HUBENTUD COMO SIMBOLO DI CONTINUIDAD
Un elemento central di e ceremonia tabata e presencia di 40 hoben, representando simbolicamente e 40 aña di Status Aparte. Segun Minister President, esaki ta un señal cla cu e siguiente generacion ta prepara pa sigui carga e vision di Aruba. “Cada generacion a recoge e sentimiento aki y a proyecta esaki den su propio epoca, cu mesun pasion y compromiso,” el a expresa. E celebracion nacional lo sigui durante e luna di maart cu diferente actividad cultural, educativo y conmemorativo, tur enfoca riba orguyo nacional, historia comparti y compromiso pa futuro. Cu bandera hisa na aeropuerto, porta di entrada di nos pais, Aruba oficialmente a cuminsa un celebracion cu no solamente ta honra pasado, pero reafirma su determinacion pa sigui traha como un nacion cu identidad propio y responsabilidad comparti.
Rotonde dilanti Cas di Cultura ilumina color patriotico den marco di celebracion nacional
ORANJESTAD - En conexion cu e celebracion di 40 aña di Status Aparte y 50 aña di Himno y Bandera di Aruba, e rotonde conoci como “Las Americas”, situa riba e ruta entre aeropuerto y e area hotelero, a wordo ilumina cu luz blauw como simbolo di orgullo nacional y union.
Partido MEP kier ruenion cu minister Wever relaciona cu guera na Medio Oriente
ORANJESTAD – "Aruba mester tin transparencia y un plan concreto. Nos no por permiti pa e tensionnan na Medio Oriente afecta e cartera di nos famianan sin cu tin un strategia pa wanta e sla," Evelyn Wever-Croes, lider di Fraccion di MEP a declara despues di a entrega un peticion oficial pa un reunion urgente cu Minister Geoffrey Wever.
Parlamentonan di islanan CAS ta lanta comite riba conflicto den Reino hulandes
WILLEMSTAD/ ORANJESTAD – Parlamentonan di Aruba, Corsou y Sint Maarten a establece un asina yama petit comite cu lo ocupa su mes cu e reglamento pa conflicto den Reino Hulandes. E prome reunion di e grupo di trabou ta programa pa 19 maart na Aruba. Establecemento di e comite a wordo confirma durante un consulta tripartito di e parlamentonan riba 23 februari na Aruba. E petit comite lo ricibi e tarea pa discuti y contesta preguntanan di Staten di Corsou acerca di e proposicion di ley di Reino pa trata conflicto den Reino. Den e comite lo tin parlamentario di e tres pais. Na nomber di Aruba ta participa Edgard Vrolijk y John Hart. Corsou ta wordo representa door di Quincy Girigori y Ramon Yung, mientras Sint Maarten ta wordo representa door di Egbert Doran y Sarah Wescot-Williams. E grupo di trabou lo presenta un raportahe na e consulta tripartito di parlamentonan. Tambe lo wordo warda un conseho di Raad van State prome cu algun proposicion concreto pa cambia e ley di Reino wordo presenta. E prome reunion di e petit comite lo tuma lugar 19 maart pa dies’or di mainta den sala di reunion di Staten di Aruba na Oranjestad.
Gobernador Boekhoudt a huramenta Milly Schwengle como minister plenipotenciario
ORANJESTAD -Diahuebs oficina di gobernador di Aruba a publica e potretnan di e huramentacion di Aruba su minister plenipotenciario nobo Milly Schwengle. Tabata diaranson 4 di maart ultimo manera cu Noticiacla a informa anteriormente, cu a tuma lugar un huramentacion den presencia di Gobernador di Aruba, S.E. Alfonso Boekhoudt. Señora Mildred G.M. Schwengle a huramenta como Minister Plenipotenciario na Den Haag. Henter Conseho di Minister tabata presente na e ceremonia di huramentacion.
Awor gabinete AVP-FUTURO ta completo cu su minister plenipotenciario
ORANJESTAD – Cu huramentacion di mr. M.G.M. (Mildred) Schwengle como Minister Plenipotenciario pa Hulanda, gabinete AVP-FUTURO ta completo porfin. Of manera cu gobierno a bisa ” Cu esaki, Aruba ta fortalece su representacion strategico den Reino y su presencia na Europa”.
Wever: Aruba y Curaçao ta mas cerca cu proyecto di ferry, cu destaho publico
ORANJESTAD - Ministerio di Asunto Economico y Sector Primario, mr. Geoffrey Wever, den cooperacion cu Gobierno di Curaçao, representa dor di Minister di Desaroyo Economico di Curaçao, Mr. Roderick Middelhof, a anuncia oficialmente publicacion di e “Terms of Reference” (ToR) pa contrata un consultant cu lo guia e proceso pa realisa un conexion di ferry pa pasahero entre Aruba y Corsou.
Follow NoticiaCla
