- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Pa luna di maart, bula di Boston pa Aruba (roundtrip), ta mes ‘barata’ cu bula di Aruba pa Bonaire!
BOSTON – Loke hopi por considera como un triki, pero di otro banda insolito, ta cu aeroliñanan mericano ta ofreciendo pasashi pa destinacionan leu, cu ta costa mes hopi of casi mas barata cu un buelo di distancia cortico entre p.e. Aruba y Bonaire. E aeroliña mericano Delta ta ofreciendo un tarifa di $303 pa un buelo directo ida y bini for di Boston Logan International Airport pa Aeropuerto Internacional Reina Beatrix na Aruba, cu biahe entre 22 y 31 di maart 2026 — mes den e periodo di spring break. Normalmente, buelonan directo riba e ruta aki na fin di maart ta mas caro, loke ta haci e precio aki destaca.
TARIFANAN REGIONAL
Un chekeo liher ta mustra cu pa comparacion, y pa pone e relato aki den context, prijs di pasashi entre un buelo entre Aruba (AUA) y Boneiru (BON) ta varia segun aerolinea y con tempran bo reserva. Pa februari 2026, ticket ida normalmente ta cuminsa rond di $145–$148, mientras buelo ida-y-bini generalmente ta varia entre $300 y $400. Mas pio, si compara e distancia, esaki ta haci e asunto aki mas ‘insolito’. E distancia entre Aruba y Bonaire ta mas o menos 120 miya (194-196 km), mientras cu e distancia entre Aruba y Boston, Massachusetts, ta mas o menos 2.063 pa 2.079 miya (3.320-3.325 km). Buelonan di Aruba pa Boneiru ta dura alrededor di 45-50 minüt, i buelonan di Aruba pa Boston ta dura alrededor di 5 ora
PAKIKO ESAKI TA IMPORTANTE
Fin di maart ta temporada halto pa Aruba. Demanda ta subi durante vacacion di scol y biahenan di primavera, y asiento directo for di nordoost di Estados Unidos ta yena rapido. Un tarifa ida-y-bini di $303 pa un buelo directo ta evita escala, reduce tempo den aeropuerto y laga pasaheronan yega Aruba den menos cu cinco ora. Pa e epoca di aña aki, e combinacion di fecha y precio ta raro.
E DETAYENAN
E buelonan directo di Boston pa Aruba ta disponible entre 22 y 31 di maart 2026. Fin di maart ta temporada halto pa Aruba, cu demanda creciente door di vacacion di scol y biahe di primavera.
VIDEO: Maduro: Si nos sigui asinaki, e cantidad di turista cu ta bin Aruba lo hoga nos isla
ORANJESTAD – Si nos sigui asinaki, e cantidad di turista cu ta bin Aruba lo hoga nos isla. Asina e pionero di concepto di Timeshare na Aruba, Raymond Maduro a bisa recientemente den e programa Noticiacla LIVE. Maduro ta e persona cu a introduci Aruba cu e concepto hotelero di Timeshare den añanan 70, cu hotelnan manera Aruba Beach Club, Playa Linda, Casa del Mar y Costa Linda. Segun Maduro, un persona di Nacionan Uni a bisa cu Aruba a surpasa e cantidad ey caba.
ATA a honra Ewald Biemans pa su dedicacion na bolsa turistico ITB di Berlin
BERLIN - Aruba Tourism Authority (A.T.A.) cu gran honor a reconoce Ewald Biemans pa su dedicacion remarcabel y tur e añanan cu el a inverti promoviendo Aruba na Europa. E momento special aki a pasa durante e presencia di Aruba na ITB Berlin, hunto cu hopi partner di e industria, y den conmemoracion di 40 aña di Status Aparte, 50 aña di nos Himno y Bandera y e di 60 aniversario di ITB.
Hoogervorst: Aunke e debe ta bahando, Aruba mester di HOFA
ORANJESTAD – Aruba mester di HOFA, aunke cu cos ta bayendo bon. Asina e presidente di e colegio di supervision financiero pa Aruba CAFt, drs Hans Hoogervorst a bisa Tito Laclé den e programa Noticiacla LIVE diahuebs anochi. E pregunta specifico riba e ponencia di parlamentario di MEP Evelyn Wever Croes, cu durante reunion di IPKO recientemente a bisa cu Aruba no mester di e ley di reino HOFA, mirando cu Aruba ta bayendo bon caba sin dje. Hoogervorst a admiti cu Aruba ta bayendo bon, pero, cu ainda Aruba tin un debe!. Y pa seguridad pa futuro, esey ta suficiente motibo pa tin HOFA toch.
Consalves: Aruba lo por dicidi entre mei y juni riba re-apertura di buelonan cu Venezuela
ORANJESTAD – Segun e hende di mision di Hulanda Carmen Consalves den un entrevista cu e periodista venezolano Román Lozinski, e Prome Minister di Aruba Mike Eman ta preve di tuma un desicion entre mei y juni riba e posible reapertura di buelonan entre Aruba y Venezuela. Segun e informacion comparti, gobierno di Aruba ta sigui evaluando e situacion politico y di seguridad na Venezuela, hunto cu consulta cu autoridatnan den Reino Hulandes. E decision final lo depende di varios factor, incluyendo desaroyo den e situacion regional y e condicionnan pa garantisa control y seguridad den trafico aereo.
FCCA ta inverti 46 miyon florin den casnan social na Aruba
ORANJESTAD – Woningstichting FCCA lo inverti un total di 46 miyon florin den construccion di entre 304 y 370 casnan social na Aruba. Mitad di e fondo ta bin for di gobierno, mientras e otro mitad ta bin for di e fundacion mes. Segun e involucradonan, e situacion riba mercado di vivienda na Aruba ta preocupante. Demanda pa cas y pa tereno di construccion ta hopi halto.
Aruba ta fortalece conexion aereo na Routes Americas 2026 na Rio de Janeiro
ORANJESTAD — E team di Aviation Business Development di Aruba Airport Authority N.V. (AAA) conhuntamente cu Aruba Tourism Authority (A.T.A.), ta representando Aruba e siman aki na Routes Americas 2026 na Rio de Janeiro, e evento lider den desaroyo di servicio aereo di e region. Cu mas di 20 reunion programa cu e aerolineanan y partnernan clave den e industria, e delegacion ta enfoca riba desaroyo di red y identifica oportunidadnan strategico di crecemento pa sigui fortalece e conectividad global di Aruba. Entre e aerolineanan nobo confirma pa reunion, cu actualmente no ta opera pa Aruba tin; Air France–KLM, Breeze Airways, Alaska Airlines, JetSMART y Condor, ademas di otro partnernan existente cu ta di gran balor pa Aruba.
Follow NoticiaCla
