Verstappen: Careda di Formula 1 a bira careda di Formula E riba steroids

BAHREIN - Pa Max Verstappen e prome dianan di test na Bahrein a yega na su fin. E coredor Hulandes di Formula 1 a drenta den accion den sesion di mainta riba e ultimo dia di test, y asina a cera su trabounan. Den sesion di atardi, su compañero di team Isack Hadjar ta drenta den e auto. Teamnan por usa solamente un bolido durante dianan di test. Na Bahrein, Verstappen a logra marca hopi kilometer. Entotal el a yega te 61 rond y e di tres mihor tempo di e dia. Coredor di Racing Bulls, Liam Lawson, tabata e mas productivo cu 84 ronda. George Russell (Mercedes) tabata e mas rapido. Teamnan ta core cu diferente afstelacion, posishon di motor i cantidat di combustible durante e prome dianan di test di e nobo temporada. Haci kilometronan i, sobre todo, no keda para na banda cu problema, esei ta e meta principal durante dianan di test.

KEHANDONAN TOCANTE REGLA NOBO

Verstappen no ta fan di e reglanan nobo i e autonan nobo den Formula 1 pa 2026 manera el a bisa ayera. “E autonan nobo no ta agradable pa core. Ta contra core.” Ademas e la compara e careda F1 cu un careda di formula E, riba steroids. Esaki pasobra mitar di e motor ta electrico y mester pasa henter e careda ta maneha e motor, envez di djis core duro, manera cu e gusta.  Verstappen tin contrato cu Red Bull Racing te cu 2028, pero anteriormente el a specula tocante un salida prome di tempo. “Mi a logra tur loke mi kier a logra. Si mi no tin gana mas, lo mi bai haci otro cosnan.”