Minister Wever a flexibilisa condicionnan di hipoteca na Volkskredietbank

Posted on 02/5/2026 8:57 am AST | Updated on 02/5/2026 8:57 am AST

ORANJESTAD – Minister di Finansa mr. Geoffrey Wever ta anuncia cu Conseho di Minister a duna su aprobacion pa flexibilisa condicionnan di hipoteca di Volkskredietbank Aruba. Cu e decision aki Gabinete AVP-FUTURO kier mehora acceso na financiamento pagabel, reduci problema di debenan y ofrece mas flexibilidad na famianan.

Volkskredietbank di Aruba (VKB) tin como meta di provee na necesidadnan di crédito na Aruba na un manera socialmente responsabel. E tareanan di VKB ta regla den e “Landsbesluit inrichting en werkwijze Volkskredietbank (LbVKB).

E interes fiho di 8 porciento pa hipoteca no lo ta aplicabel mas. Na su lugar, VKB lo por aplica un interes entre minimo 6 porciento y maximo 8 porciento, dependiendo di e perfil di riesgo di cliente. E interes pa cada grupo di riesgo lo wordo determina riba base di un proposicion di e directeur di VKB, cu aprobacion di e Raad van Commissarissen.

E cambio den maneho aki ta pone e interes mas den liña cu realidad social y economico. Un interes mas abao ta duna mas espacio pa consolidacion di debenan. Tambe un interes mas abao lo mehora acceso na adultonan mayor y otro gruponan. VKB ta haya e flexibilad cu su maneho di interes ta contribui na soluciona e problema di “overcreditering”.

Tambe e cambio den maneho ta duna VKB e posibilidad cu bao di cierto condicionnan hipotecario por tuma un segundo hipoteca si e cliente tin e prome hipoteca caba na VKB. Esaki ta encera cu gastonan pa e segundo hipoteca di e cliente lo ta mas abao pa motibo cu lo “spaar” riba gastonan di kita y inscribi di nobo.

Aplicacion di e maneho nobo ta inmediatamente. Conseho di Minister tambe a duna aprobacion pa aplica e cambionan aki di forma adelanta pendiente e cambio formal di e landsbesluit pa asina clientenan por disfruta inmediatamente di e beneficionan.

Wever: Automobilistanan lo ricibi nan plachinan di number den e proximo dianan
ORANJESTAD - Minister di Finansa mr. Geoffrey Wever, a anuncia diabierna cu automobilista- y motociclistanan lo ricibi nan plachinan di number nobo den e proximo dianan.
Mas Politica
Lesa Mas
Hall of Famer Andruw Jones a bishita minister Eman y Croes na Aruba
ORANJESTAD - Awemainta Prome Minister Mike Eman y Minister di deporte Gerlien Croes a ricibi bishita di ex-pelotero y Hall of Famer, Andruw Jones — un orguyo di hermana isla Corsou cu tambe tin su rais na Aruba. “ Nos a combersa riba e desaroyonan di baseball na Aruba y e vision cu nos tin pa sigui fortalece e deporte aki” minister Croes a bisa despues di e bishita.
Mas Politica
Lesa Mas
Minister Dowers: Lo inicia cu control riba ilegalidad
ORANJESTAD - Durante un recient conferencia di prensa, Minister di Husticia, mr. drs. Arthur Dowers, a comparti informacion riba e maneho di Hunto pa Progreso. Apesar cu e programa a termina algun tempo pasa, awo DIMAS cu sosten di IOM ta den proceso pa match dunadonan di trabao cu esnan cu a registra pa trayecto 4 y cu ta cumpli cu tur rekisito. Esnan cu a registra mester mantene nan informacion di contacto actualisa, mirando cu nan tin 1 aña pa haya un dunado di trabao y pasa pa e trayecto regular.
Mas Politica
Lesa Mas
Aruba ta sigui presta contra interes mas halto cu prome cu 2022
ORANJESTAD – Aruba den 2024 y 2025 tambe ta emiti prestamo di estado contra interes cu structuralmente ta mas halto cu den añanan prome cu 2022. Esaki ta sali for di un bista general di obligacionnan di estado y certificadonan di debe di Banco Central di Aruba. Den 2024, gobierno di Aruba a cera varios prestamo contra interes entre 5,18 y 6,32 porciento, dependiente di duracion y moneda. Asina, den mei 2024 a wordo emiti dos prestamo na florin contra interes di 5,86 porciento y 5,18 porciento, mientras cu den september 2024 a sigui dos prestamo na dolar Mericano contra interes di 6,30 y 6,32 porciento. Tambe den 2025 nivel di interes a keda relativamente halto. Den juni 2025 Aruba a emiti un prestamo na florin di 100 miyon contra 5,19 porciento, sigui pa un di dos prestamo di 65 miyon florin contra 4,51 porciento.
Mas Politica
Lesa Mas
Gobierno ta inverti 170 mil florin pa sigui cu proyecto Lago Heights Park
ORANJESTAD - Gobierno di Aruba, a aproba AWG 170,000 adicional pa desaroyo di Lago Heights Park. Cu e decision aki, a sigura e presupuesto total pa e proyecto. E realisacion di Lago Heights Park ta posibel pa medio di un colaboracion fuerte entre partnernan local y internacional. Financiamento pa e proyecto a wordo sigura pa medio di contribucion di CEDE ARUBA (co-financiador y coordinador), Stichting Jantje Beton (Hulanda), Ministerio di Interior y Relacionnan den Reino (BZK) via Representatie van Hulanda na Aruba, Curaçao en Sint Maarten (VNACS), y Gobierno di Aruba. Hunto, e partnernan aki a percura pa e cobertura financiero completo di e proyecto y a demostra un compromiso comparti pa inverti den espacionan publico sigur, inclusivo, y di calidad halto pa mucha y comunidadnan na Aruba.
Mas Politica
Lesa Mas
Fitch ta na Aruba pa evalua ‘rating’ anual di nos isla
ORANJESTAD - Diamars mainta, Minister di Finansa Geoffrey Wever, hunto cu Directie Financiën y Directie Buitenlandse Betrekkingen a reuni cu un di e tres agencia principal di rating internacional: Fitch Ratings. E reunion a tuma lugar den cuadro di e evaluacion anual di rating di Aruba. Despues di esaki, ta dura algun siman prome cu Aruba haya sa kico e rating pa nos isla ta bira. Basa riba e decision aki, institutonan financiero internacional por dicidi si ta fia Aruba placa of no.
Mas Politica
Lesa Mas