- Parlamentario (na Hulanda), cu a sinta apenas 3 luna, tin derecho pa 2 aña overbruggings toelage
- Miembro di Tweede Kamer ta den studio awe di Noticiacla LIVE
- Aruba y Corsou sugeri como destinacion mas amigabel pa LGBTQ mericano
- Top funcionarionan di gobierno na Corsou lo por gana maximo 386.000 florin
- Analisis: Ora cu cuido pa adulto mayor na Aruba ta mata: Parti I
Merca ta relaha sancionnan contra Venezuela
WASHINGTON – Merca ta relaha e sancionnan contra Venezuela. Companianan mericano por hasi negocio atrobe, bou di condicionnan estricta, cu petroleo venezolano. Esaki por tin consecuencia pa e mercado energetico global. E permiso nobo ta na vigor dede 29 di januari. Companianan mericano por awor extrae, cumpra, bende y transporta petroleo venezolano. Tambe comercio cu e compania estatal di petroleo di Venezuela, PdVSA, ta permiti atrobe. Esaki tabata prohibi anteriormente pa motibo di e sancionnan.
CONDICIONNAN ESTRICTA
Solamente companianan cu ya tabata existi prome januari 2025 por participa. Tur contrato mester wordo cerra conforme cu ley mericano. Pagonan lo bai pa cuentanan special cu Merca ta controla. Companianan mericano por tambe huur barconan, cerra seguro y usa hafnan venezolano. Cambio di petroleo pa otro productonan ta permiti.
LOKE TA KEDA PROHIBI
Na mes momento, restriccionnan importante ta keda na vigor. Pagonan den oro, criptomoneda of via construccionnan di debe ta prohibi. Tambe transaccionnan unda partidonan for di China, Rusia, Iran, Cuba of Corea di Nort ta involucra, ta keda exclui. Barconan sanciona no por wordo usa y activonan congela ta keda blokea.
SUPERVISION ESTRICTA
Companianan mester raporta tur cos: cuanto petroleo, na cua pais y na ken ta paga. E prome raportahe mester wordo entrega den dies dia, y despues cada tres luna. Merca por ahusta of retira e reglanan na cualkier momento. Companianan mester tambe cumpli cu otro leynan mericano. E relahacion parcial no ta significa un eliminacion completo di e sancionnan contra Venezuela, pero ta ofrece companianan mericano atrobe acceso controla na e sector di petroleo venezolano, bou di condicionnan y supervision estricta.
Activista di derechonan civil Jesse Jackson (84) a fayece
ATLANTA - E activista di derechonan civil y predikador Mericano Jesse Jackson a fayece na edad di 84 aña. Como colaborador cercano di Martin Luther King Jr., despues di su morto el a bira uno di e principal simbolonan di e comunidad afroamericano den Merca. Den añanan 80 el a purba dos biaha, sin exito, pa bira candidato presidencial pa e Partido Democraat.
Actor di The Godfather Robert Duvall (95) a fayece
NEW YORK - Actor mericano Robert Duvall a fayece na edad di 95 aña, segun website di entretenimiento TMZ a reporta. Duvall ta conoci principalmente pa su rolnan den e peliculanan Apocalypse Now y The Godfather.
Verstappen: Careda di Formula 1 a bira careda di Formula E riba steroids
BAHREIN - Pa Max Verstappen e prome dianan di test na Bahrein a yega na su fin. E coredor Hulandes di Formula 1 a drenta den accion den sesion di mainta riba e ultimo dia di test, y asina a cera su trabounan. Den sesion di atardi, su compañero di team Isack Hadjar ta drenta den e auto. Teamnan por usa solamente un bolido durante dianan di test. Na Bahrein, Verstappen a logra marca hopi kilometer. Entotal el a yega te 61 rond y e di tres mihor tempo di e dia. Coredor di Racing Bulls, Liam Lawson, tabata e mas productivo cu 84 ronda. George Russell (Mercedes) tabata e mas rapido. Teamnan ta core cu diferente afstelacion, posishon di motor i cantidat di combustible durante e prome dianan di test di e nobo temporada. Haci kilometronan i, sobre todo, no keda para na banda cu problema, esei ta e meta principal durante dianan di test.
Conocido actor di e serie Dawson Creek James Van Der Beek a fayece
LOS ANGELES - James Van Der Beek (48), e actor mas conoci pa su papel principal den e serie hubenil popular di ananan 90 Dawson's Creek, a fayece. “Nos amado James David Van Der Beek a fayece na paz awe mainta. E la enfrenta su dianan final cu curashi, fe y dignidad,” asina comunicado comparti riba su pagina oficial di Instagram ta bisa diaranson “Tin hopi pa comparti tocante su deseo, su amor pa humanidad y e valor sagrado di tempo. E dianan ey lo yega. Pa awor nos ta pidi privacidad y trankilidad mientras nos ta lamenta e perdido di nos esposo, tata, yiu, ruman y amigo stima.”
Sector di aviacion tin miedo pa fila largo pa control di pasaporte nobo EU
BRUSELAS - Sector di aeropuerto y linea aerea na Europa a zona alarma tocante e sistema nobo di control di entrada y salida di Schengen, e asina yamado Entry/Exit System (EES). Segun organisacionnan di industria ACI EUROPE, Airlines for Europe (A4E) y International Air Transport Association (IATA), e sistema ainda ta causa retraso considerable pa biaheronan for di Union Europeo (EU). Sin adaptacion directo, den e luna di zomer mas ocupa, tempu di espera por subi te cuatro ora of mas. Den un carta na eurocomisario Magnus Brunner (Asunto Interno y Migracion), e organisacionnan ta indica cu biaheronan awor ya ta warda te dos ora na control di frontera na aeropuerto. Esaki, entre otro, door di falta di personal na autoridadnan di frontera, problema technico — principalmente cu paso automatisa di frontera — y uso limita di e app di pre-registracion di Frontex door paisnan Schengen.
VIDEO: Wak con e bandera di Aruba, Bonaire, Corsou y Statia a luci den show di Bad Bunny!
SANTA CLARA – E show di intermedio di Superbowl na Merca diadomingo anochi, di e artista conoci como Bad Bunny, ainda ta den boca di ciudadanonan di islanan ABC y St Eustatius awe mainta. Esaki pasobra, manera cu Noticiacla a raporta for di e momento cu e la sosode, e ciudadonan cu a wak e presentacion, a keda sorprendi di mira e bandera di e respectivo islanan. E show cu a dura algo mas di 13 minuut, a conta cu 2 artista invita, Lady Gaga y Ricky Martin, y a conta te hasta cu un casamento real. Por mira e show completo AKI.
Follow NoticiaCla
