Europol: Contrabanda di cocaina pa Europa a yega na nivelnan “sin precedente”

BRUSELAS - Criminalnan internacional ta contrabanda cocaina cada biaha mas y riba manera cada biaha mas innovador pa drenta Europa. Esaki ta loke Europol ta adverti den un raportahe nobo. Europol ta constata cu e comercio di cocaina pa Europa a subi te na nivelnan “sin precedente”, entre otro pa motibo di aumento den uso di cocaina na Europa y aumento den produccion na Sur America. Criminalnan ta usa metodo di transporte, encubrimiento y contrabanda cada biaha mas efectivo. E desarroyonan ta bai asina rapido cu e sistemanan tradicional di deteccion y control ta keda atras, segun Europol ta adverti. Pa por enfrenta criminalnan internacional di droga, ta necesario un “enfoque coordinado y basa riba informacion di inteligencia”, asina e raportahe ta indica.

Submarinonan di contrabando special

Criminalnan di droga ta usa cada biaha mas medio avanza manera drone, balonnan di helium y “semi-submarinonan” construi specialmente pa contrabanda di droga, segun Europol ta informa.