President interino di Venezuela ta fada: “Cla cu orden for di Washington”

CARACAS – President interino di Venezuela, Delcy Rodriguez, a declara diarazon cu ya e ta cla y fada cu orden cu ta bini for di Merca. Asina e a referi na e presion cu Washington ta pone riba Venezuela dede cu a detene Nicolas Maduro. “Ta cla cu orden di Washington pa politica Venezolano. Laga nos, politico Venezolano, soluciona nos diferencianan di opinion y conflictonan interno. Ta cla cu potencia extranhero”, Rodriguez a bisa durante un discurso dilanti di trahadornan di petroleo den e estado Anzoategui. Rodriguez a wordo nombra dia 5 di januari como president interino, despues cu e presidente socialista Maduro a wordo deteni durante un operacion militar door di Merca y hiba pa New York. Despues di esaki, Trump a anuncia cu Washington lo “maneha” Venezuela te ora contrario.