‘Dinamarca y Merca ta bay renegocea tratado di defensa antiguo’

DAVOS - Merca y Dinamarca ta bay renegocea un tratado di defensa cu ta data for di aña 1951, cu ta trata di Groenlandia. Esaki ta segun informacion di un fuente cu ta conoci cu e combersacionnan entre presidente Trump y secretario general di OTAN, Mark Rutte, segun agencia di noticia AFP.

Segun e fuente, aliadonan europeo tambe ta bay reforsa e seguridad den e region polar. E fuente a indica cu durante e combersacionnan no a wordo trata ningun plan pa pone e basenan militar di Merca na Groenlandia bou di soberania directo di Merca. E acuerdo di defensa, cu a wordo revisa pa ultimo biaha na 2004, ya ta duna Merca e libertad pa amplia su presencia militar, cu e condicion cu e autoridatnan di Dinamarca y Groenlandia wordo informa adelantadamente.

Actualmente, Merca tin un so base na Groenlandia: e base espacial Pituffik, situa den parti noroeste di e isla. Segun AFP, e base aki ta forma “un schakél crucial” den e sistema di defensa contra misiles di Merca den e region.