Yiu di Corsou Andruw Jones a drenta Salon di Fama di Baseball grandes ligas!!

COOPERSTOWN – Despues di a warda 7 aña, e yiu di Corsou, Andruw Jones, a logra drenta Salon di Fama di baseball grandes ligas diamars anochi. Cu e logro aki, e ta bira e basebolista yiu di tera mas cotisa y ta logra marca historia p’e y pa e isla di Corsou. Su logronan ta historico, y ta hacie un legendario. Pero e mester a warda basta pa por a drenta e salon asina cotisa. E la hunga 17 aña den grandes ligas mericano, cuminsando su carera cu Atlanta Braves.