Red Bull y Racing Bulls ta presenta nan auto nobo pa temporada di Formula Uno 2026

DETROIT - Red Bull y Racing Bulls a presenta nan auto nobo pa temporada di Formula Uno 2026 diahuebs anochi. E temporada aki ta marca un nobo era di regla technico, y Red Bull a scoge pa tene un lanzamiento conjunto cu Racing Bulls den Detroit, Michigan, Merca, den cas di nan nobo socio pa motor, Ford, cu lo construi nan mes motor pa prome bez. Red Bull su auto RB22 lo wordo conduci dor di coredor cu cuatro titulo Max Verstappen, hunto cu su cumpañero nobo Isack Hadjar, despues cu e coredor frances a wordo promove pa tuma lugar di Yuki Tsunoda despues di un temporada dificil 2025, caminda e hapones tabata promove for di Racing Bulls den un intercambio di coredor cu Liam Lawson despues di prome dos ronda.

E auto nobo ta un regreso nostalgico pa nan prome temporada den F1 den 2005, loke a lora asombro di Verstappen mientras e ta mira dilanti pa un nobo era y un retocada grandi den diseno di auto.

Verstappen a bisa: “Mi ta stima e auto nobo, e ta mustra hopi bon y mi ta pensa cu e lo sobresalí riba pista. E brillo ta cool, e ta mas retro, e color ta hopi blauw y balente, mi guste hopi. Mir’e den bida real tabata special y mi tabata sorprende cuanto e la cambia.” “E aparencia ta trece bek memoria grandi di e tempo cu mi a cuminza den F1 y tur cos tabata nobo. Mi ta emociona pa conduci un auto cu un aparencia completamente diferente. Mi no sa si mecaniconan lo stima e tempo pa tene e auto limpi! Pero e lo mustra slick y bon pa tur hende riba pista.”

Hadjar a bisa cu e a pasa den terreno nobo preparando su entrada na Red Bull, y cu lanzamiento di auto a sigui confirma cu e movida ta real. “Mi a pasa hopi momento emocionante y hopi prome bez den esnan ultimonan luna despues cu mi a sa cu lo mi conduci pa Oracle Red Bull Racing, y mira e auto pa 2026 tabata un di e mihó momentonan. Cosnan ta cuminza sinti mas real awor y mi no por warda pa conduci e auto. Mi stima e heritage look, ta super cool.” “Ta un  era nobo  pa mi y ta loco cu e team y deporte tambe ta drenta un mes era. Pa ta aki den Detroit y mira e auto den bida real y mustra escala di nos esfuerzo pa crea un motor ta yenami cu emocion. Awor mi kier drenta den RB22 cu nos mes motor y bay race!”

Team Principal Laurent Mekies a bisa cu e auto nobo ta celebra un cierre di un era y apertura di un otro. “E auto nobo ta diseña pa celebra e espirito di nos principio. Den e aña cu un auto Oracle Red Bull Racing lo corre cu un motor Red Bull Ford Powertrains pa prome bez, tabata logico pa refleha un tiki di nos historia den e auto.”

CEO Oliver Mintzlaff a agrega cu e auto nobo ta marca “un capitulo nobo” despues cu e team a separa cu Christian Horner den yuli 2025. “Construi nos mes motor y trece’e na pista ta un paso remarcabel pa nos marca. Nos tin hopi optimismo pa sali cu nos auto y motor. Lo tin cambio regulatorio importante den 2026. Nos a tuma un riesgo similar ora nos a drenta F1 den 2005, y e mentalidad no a cambia.”