Tripulacion di International Space Station ISS cu astronauta malo a yega planeta tera bek

SAN DIEGO - Tripulacion di International Space Station ISS cu NASA a bolbe bek mas pronto motibo di un astronauta malo, a yega riba tera. Den ora di mainta (ora Hulandes) capsula Crew Dragon a aterisa den laman Pacifico, cerca costa di San Diego den Merca. NASA a comunica cu e biahe bek di e cuatro astronauta, cu a dura rond di diesun ora, a bai segun plan. Despues cu e la drenta den awa trankil, dolfinan a landa rond di capsula. “Ta bon pa ta bek na cas”, asina comandante di capsula Zena Cardman a bisa. E  grupo di cuater a yega bek hopi siman prome cu tabata plania, pasobra un di e astronautanan tin un “condicion medico serio”.

NASA no a bisa kico ta e problema. Pero situacion di e astronauta ta estable. E la bira e prome biaha den 25 aña di historia di ISS cu un regreso di emergencia a bira necesario. Promedio, tripulacionan ta keda mas o menos ocho luna den e  stacion cu ta recori planeta tera na 400 kilometer halto. E cuatro miembro tabata den ISS desde cuminsamento di augustus y tabata plania pa keda ey  te februari. E cuatronan ta parti di un mision espacial mericano. Ta keda solamente tres miembro di un mision Ruso den ISS aworaki.