Trump a cancela un di dos ola di atake contra Venezuela pa motibo di cooperacion cu Merca

WASHINGTON – Presidente mericano Donald Trump a bisa diabierna marduga cu e la cancela un di dos ola di atake cu tabata spera riba Venezuela, pasobra e pais ta traha hunto cu e Merca. Esaki ta bin casi un siman despues cu Trump a ordena un operacion militar pa kita   presidente Venezuelan Nicolas Maduro, cu awor ta den custodia di Merca, huntu cu su casa Cilia Flores for di poder. Despues di esaki operacion militar, Trump a bisa den un conferencia di prensa: “Nos ta cla pa manda un segundo   atake hopi mas grandi si necesario… Nos mes a asumi cu un di dos atake tabata mester, pero awor esei probabelmente no ta e caso mas.”

Den un post diabierna riba Truth Social, Trump a bisa cu Merca y Venezuela ta traha bon hunto, especialmente pa reconstruccion, den un forma mas grandi, mihor i mas moderno, di su infrastructura di petroleo i gas. E a bisa: “Pa motibo di e cooperacion aki, mi a cancela e di dos ola di atake  cu tabata spera, mirando cu no ta necesario. Pero tur barco lo keda na su puesto pa seguridad.”

Trump tambe a pone cu Venezuela ta libera un cantidad grandi di prizonero politico como un senal cu nan ta busca paz, i e la yam’e “un gesto hopi importante i hopi inteligente.” Venezuela a cuminsa libera  s prizonero prominentenan   diahuebs, incluyendo politico di oposicion, como un intento pa “busca paz”, segun e gobierno interino.

Despues di e operacion militar di siman pasa, oficialnan di Merca a pidi, entre otro cos, cu e gobierno interino di Venezuela libera prizonero politico.