Turistanan pega na Aruba ta cuminsa conta nan experiencia

ORANJESTAD - Un pareha turista mericano di St. Joseph, Michigan, un di e hopinan cu a keda ‘pega’ for di fin di siman na Aruba despues cu espacio aereo tabata sera pa motibo di un operativo militar di Merca den Venezuela, a cuminsa papia. Esaki ta un di nan storia. E pareha aki ta conta cu nan tabata cla pa bolbe cas, pero ora tabata tempo pa sali a yega , tur vuelo a wordo cancela. E storia aki en si no ta nada particular, pero ta e hecho cu awendia tur ta purba busca atencion pa nan situacion, y medionan mericano ta yuda cu esaki. 

EFECTO

E pareha a conta cu nan mester a e.o.  busca un otro lugá pa keda, warda hopi dia riba un vuelo nobo, paga doble prijs di nan pasashi original. Robert cu Kaylee McCormick a bisa: “Tabata realmente estresante, no sa con nos lo bolbe cas for di un pais cu nos nunca a bishita dje promé, yi sin luga pa keda. Tabatin un tiki spantoso. Aruba ta bunita, si, pero no tin ningun lugá manera cas propio.” E dos finalmente a logra sali di Aruba, pero nan a bisa cu otro hende cu nan conoci ainda tabata traha pa haya un vuelo pa bolbe Michigan. Y asina tabatin hopi mas cu a dicidi di conta nan storia. NOTA; Nos ta publica esaki pa ilustra e efecto di awendia di rednan social y e efecto cu e por tin riba nos imagen y turismo, internacionalmente.