Turistanan testigo di e tragedia na St Regis: 'Un curpa a cay for di cielo den piscina'

 ORANJESTAD/USA – Turistanan cu tabata testigo di e tragedia den fin di siman na un hotel local na Aruba, a cuminsa papia publicamente riba nan experiencia di e tragedia. Manera noticiacla a raporta caba, un pareha turista mericano a muri tragicamente den fin di siman, uno asesina y uno di suicidio, na St Regis Hotel. Awor varios turista cu a experencia esaki, a cuminsa papia.  

TESTIGONAN

“Un curpa a cay for di cielo den piscina rond 9’or di mainta na St. Regis na Aruba,” segun un post parti comparti riba e plataforma Reddit. “Danki  Dios nos a scapa di nan cu 30 seconde, ora ami, mi yiu i mi muhe tabata saliendo for di e lift pa bay na area di piscina.” Un otro a  bisa “Mi ta aki tambe y mi a tende e zonido. Mi tabata riba mi balcon riba di dos piso. Mi a drenta paden mesora pasobra mi no tabata ke sa si tabata tin mas (curpa) na caminda.”

Un otro testigo adicional a bisa: “Un curpa a cay for di cielo den piscina rond 9:00 mainta. Danki Dios nos a scapa cu 30 seconde. Ora nos a sinta pa come desayuno, nan (Staf di hotel:red) a manda nos pasa atras via parkeerplaats y no a laga ningun hende usa entrada principal. Tabata un mama i su yiu sinta na nos banda, mi a bisa nan discretamente, nan a bisa: ‘Ah, asina ora nos a tende tur e batimento y yoramento tabata riba nos di cuater piso.’ Mi ta sinti hopi malo  pa e famia. Algun hende sa kico a pasa?”

REACCION NA MERCA

Noticia di e fayecimento di e pareha a crea un ola di tristeza, mas tantu den Illinois, lugar unda Boris Jozic tabata miho conoci den comunidad di fitness y bodybuilding. Amigonan y colega a describi’e manera un persona disciplina, motiva, entrega na salud y entrenamento. E incidente tabata dificil pa nan compronde. Mientrastanto un cuenta GoFundMe a wordo habri pa e victima mujer, titula “In loving memory of Cristina Gatia.” Nan ta describe’e manera: “Un mama di cinco, abuela cariñoso, un yiu entrega, un ruman stima, tia y amiga keri pa hopi hende”—