Mike Eman a anuncia su retiro proximamente como lider di partido AVP

ORANJESTAD – Diamars atardi, prome minister di Aruba Mike Eman a sorprende tur hende durante ceremonia di desvelo di e borchi cu ta anuncia Henny Eman Boulevard, cu e ta retira como lider di partido AVP na September proximo. Esaki pasobra e kier sigui e ehempel di su ruman homber grandi Henny Eman, cu segun e prome minister, a sa di retira na e momento cu e la considera apropia. “Y esaki ta un di e bon ehempel di mi ruman cu mi tambe kier sigui”, Mike Eman a bisa. Como tal e la anuncia cu e kier partido AVP eligi un lider nobo di partido proximamente na luna di september. No ta conoci si esaki ta nifica cu e ta baha como prome minister tambe, pero pa September e ta retira como lider.