Presidente Nicolas Maduro den Corte na New York: ‘Mi ta inocente’

NEW YORK - E presidente Venezolano Nicolas Maduro a declara dilanti di un corte na New York cu e ta inocente. Merca ta acus’e   entre otro, di facilita trafico grandi di droga. Su esposa, Cilia Flores, tambe a bisa cu e ta inocente. “Mi no a hasi nada malo. Mi ta un hende decente, e presidente di mi pais,” asina Maduro di 63 aña a bisa, bistiendo uniforme di prizon, via un interprete. “Mi a wordo captura.” Awe a tuma luga e audiencia corto introductorio na corte na Manhattan, unda segun ta conoci, solamente prensa skibi por tabata presente. E huez a ordena cu Maduro mester bolbe dilanti di corte riba 17 di maart, ora e caso lo wordo trata mas dilanti. Un pregunta importante cu e corte federal mester trata, ta si Merca ta permiti pa huzga Maduro. Probablemente su abogadonan lo argumenta cu e tin inmunidad, pasobra e ta cabeza di un poder extranhero.