Trump: “Nos ta bay goberna Venezuela por lo pronto!”

MAR-O-LAGO – “Nos ta bay goberna Venezuela por lo pronto”, presidente Mericano Donald Trump a declara diasabra mainta, papiando prome biaha despues cu Merca a invadi Venezuela y bay cu presidente Nicolas Maduro y su casa. Segun Trump, Merca lo goberna Venezuela te ora cu por tin un transision normal di poder. Ademas e la confirma cu tabatin planea un di dos serie di atake, si tabata necesario. Pero e no ta kere cu ta necesario. “Pero si ta necesario, nos lo tin un di dos ola di atake, cu ta mas fuerte cu esun prome”. Fuera di e informacion ey, e la confirma cierto detaye ya conoci, di e atake awe mainta na Venezuela.