Van Ommeren: Fakkeloptocht ta continua normal diasabra anochi

ORANJESTAD – Parada di flambeu, conoci como Fakkeloptocht ta continua normalmente awe nochi. Esaki e presidente di e organisacion cu ta organisa esaki, SMAC, Darrel van Ommeren a declara diasabra merdia. Debi na e situacion cu Venezuela marduga, unda cu forzanan mericano a saca e presidente for di e pais, tabatin pensa cu e acto aki lo por a causa cancelacion di e parada, debi na hopi inseguridad rond di e tema aki. Pero van Ommeren a bisa cu esaki no ta e caso. A haya siguransa di prome minister di Aruba Mike Eman cu cos ta ok, y cu no tin motibo pa cancelacion. Van Ommeren a confirma si cu su prome reaccion mainta tabata cu mirando e situacion cu a surgi, cu esaki por a nifica cancelacion di e parada. Pero, e parada ta continua normalmente awe nochi 8’or unda cu tin tin 10.100 persona programa y registra pa participa.