Wever: Proyecto ferry entre Aruba y Corsou no ta done deal, sino awo ta explora posibilidadnan

ORANJESTAD – E proyecto di ferry entre Aruba y Corsou, no ta un ‘done deal’. Den e ultimo programa di 2025 di Noticiacla LIVE, minister di finanza Geoffrey Wever a splica cu e proyecto di ferry, awor ta bay cuminsa investiga e posibilidadnan. E moderador Tito Laclé a confronta e mandatario cu e tema, indicando cu porta tin e impression cu e anuncio a crea expectativa, cu esaki ta un ‘done deal’. E mandatario a desmenti cu a crea e impression aki, pero cu si e intencion ta pa awor haci tur loke mester, pa haci esaki bira realidad. Y sigur den su termino actual di minister.