Minister di defensa hulandes ta na Aruba dialuna pa un dia

ORANJESTAD -  Minister di defensa hulandes Ruben Brekelmans ta bishita e parti di Caribe di Reino Hulandes for di dialuna 5 te cu diahuebs 8 di januari 2026. Ta trata di un bishita di trabou regular na e paisnan (islanan) Caribe Aruba, Sint Maarten, Corsou y Bonaire. Durante e bishita, e minister lo bishita e unidadnan di defensia cu ta staciona den region y lo ricibi splicacion tocante nan tarea den Caribe.

Dialuna 5 di januari e minister ta cuminza e bishita di trabou na Marinierskazerne Savaneta na Aruba. Diamars ta sigui un bishita na e destacamento di mariniers na Sint Maarten y diarason e programa ta inclui Marinebasis Parera na Corsou. Diahuebs 8 di januari e minister ta cera e bishita di trabou, despues di un bishita na e stationschip Zr.Ms. Groningen, cu un bishita na Koninklijke Marechaussee na Bonaire.

Ademas di bishita na diferente unidadnan di defensia, minister Brekelmans ta sostene combersa cu e gobernadornan, e prome ministernan y e gezaghebber di e paisnan (islanan) Caribe. Den e combersanan aki lo presta atencion, entre otro, na e situacion actual den e region Caribe, e prioridadnan comparti y e cooperacion mutuo.